സാമന്തയുടെ ഹോബി
നടിമാര്ക്ക് പലതരം ഹോബികളുണ്ട്, എന്നാല് തെന്ത്യയിലെ യുവനടി സാമന്തയുടെ പ്രധാന വിനോദം ഇത്തിരി കടുപ്പമാണ്. നല്ല നിലാവുള്ള രാത്രികളില് കടല്ത്തീരത്ത് കാല് നനച്ചുകൊണ്ട് നടക്കുന്നതാണ് താരത്തിന് ഏറ്റവും ഇഷ്ടം. ഇത് കാരണം പലപ്പോഴും അണിയറപ്രവര്ത്തകര് കുടുങ്ങിയിട്ടുണ്ട്. പ്രത്യേകിച്ച് അഞ്ജാതെയുടെ ഷൂട്ടിംഗ് ഗോവയില് നടന്നപ്പോഴാണ് അണിയറപ്രവര്ത്തകര് ഏറെ വിഷമിച്ചത്. പല രാത്രികളിലും താരം ആരോടും പറയാതെ ഗോവയിലെ ബീച്ചുകളില് കറങ്ങി നടക്കും.
മല്സ്യവിഭവങ്ങള് കൂടുതല് കഴിക്കുന്നയാളാണ് സാമന്ത. ഗോവയില് നല്ല കടല് മല്സ്യം ലഭിക്കും. അതുകൊണ്ട് താരം അത്തരം റസ്റ്റോറന്റുകള് കയറി നടക്കുമായിരുന്നു. തമിഴ്നാട്ടിലും നല്ല മല്സ്യങ്ങള് ലഭിക്കുന്ന സ്ഥലങ്ങളുണ്ട്. പലപ്പോഴും അവിടെയല്ലാം പോയിട്ടുമുണ്ട്. തമിഴ്നാടിന്റെ ഗ്രാമങ്ങളിലുള്ള ചില ഹോട്ടലുകളിലെ മീന് വിഭവങ്ങള്ക്ക് പ്രത്യേക രുചിയാണ്. വിദേശത്താണ് ഷൂട്ടിംഗ് എങ്കില് താരം കൂടുതല് സന്തോഷവതിയാകും. കാരണം അവിടങ്ങളിലെ ബീച്ചുകളില് പകലും രാത്രിയിലും ഒരു പോലെ ജനം കാണും. അവിടെ ആരും തന്നെ തിരിച്ചറിയില്ലെന്നും താരം പറഞ്ഞു.
തമിഴിലെ നമ്പര് വണ് നടി നയന്താരയാണെന്നാണ് സാമന്ത പറയുന്നത്. അവരുടെ അത്രയും ഡെഡിക്കേഷനുള്ള ആര്ടിസ്റ്റ് ഇല്ല. രേവതിയാണ് താരത്തിന്റെ ഇഷ്ട നടി. ശക്തമായ കഥാപാത്രങ്ങളും ലളിതമായ വേഷങ്ങളും രേവതി അനായാസം ചെയ്യും. മൗനരാഗത്തിലെ വേഷം ഏറെ പ്രിയപ്പെട്ടതാണ്. മലയാളത്തില് കിലുക്കത്തിലേയും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
