പ്രേമം എന്ന സൂപ്പര്‍ഹിറ്റിന് പിന്നാലെ കലി കൊമേഴ്‌സ്യല്‍ ഹിറ്റായതോടെ സായ്പല്ലവിയെ തേടി ഒരുപാട് അവസരങ്ങളാണ് എത്തുന്നത്. എന്നാല്‍ താരം എല്ലാം ഒഴിവാക്കി. ഇതോടെ ജാഡയും തലക്കനവുമാണെന്ന് പലരും പറഞ്ഞ് പരത്തി. എന്നാല്‍ ഇതൊന്നുമല്ല സത്യം. അവസാന വര്‍ഷ മെഡിസിന്‍ വിദ്യാര്‍ത്ഥിയായ തനിക്ക് പരീക്ഷ അടുത്തിരിക്കുകയാണെന്ന് താരം വ്യക്തമാക്കി. പഠനവും അസസ്‌മെന്റും വേറെ. ഇതിനൊക്കെ ചെലവിടാനുള്ള സമയം പോലുമില്ല. അതുകൊണ്ടാണ് അരഡസനോളം അവസരങ്ങള്‍ വേണ്ടെന്ന് വച്ചത്.

വെക്കേഷന്‍ സമയം അഡ്ജസ്റ്റ് ചെയ്താണ് കലിയില്‍ അഭിനയിച്ചത്. അതും ദുല്‍ഖര്‍ സല്‍മാന്‍ തന്റെയും അനുജത്തിയുടെയും പ്രിയതാരമായത് കൊണ്ടും. ഇനി അഭിനയിക്കുന്നത് മണിരത്‌നത്തിന്റെ ചിത്രത്തിലാണ്. അദ്ദേഹത്തെ പോലൊരാളുടെ സിനിമ ഒഴിവാക്കിയാല്‍ വലിയ നഷ്ടമാകും. അതുകൊണ്ടാണ് കമ്മിറ്റ് ചെയ്തതെന്ന് താരം പറഞ്ഞു. സുഹാസിനിയാണ് ചിത്രത്തിലേക്ക് മലരിനെ കാസ്റ്റ് ചെയ്തത്. സുഹാസിനി പ്രേമം രണ്ട് തവണ കണ്ടിരുന്നു. അതിന് ശേഷം മണിരത്‌നത്തോടും കാണാന്‍ പറഞ്ഞു.

കോഴ്‌സ് തീരും വരെ സിനിമയുടെ തിരക്കിലേക്ക് കടക്കില്ലെന്ന് താരം വ്യക്തമാക്കി. ജോര്‍ജിയയിലാണ് താരം മെഡിസിന് പഠിക്കുന്നത്. അവിടെ നിന്ന് കിട്ടുന്ന ഇടവേളകളിലാണ് രണ്ട് സിനിമ അഭിനയിച്ചത്. എന്തായാലും പഠനം കഴിഞ്ഞേ ഉള്ളു, മറ്റെന്തും. സിനിമ പോലെ തന്നെ പ്രാധാന്യമുള്ള പ്രൊഫഷനാണ് മെഡിസിന്‍ എന്നും താരം പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha