ഈ വര്‍ഷത്തെ ഏറ്റവും വലിയ ഹിറ്റുകളായ തെരി, 24, ജനതാ ഗാരേജ് എന്നിവയില്‍ നായികയായി തിളങ്ങി നിന്ന താരമായിരുന്നു സമാന്ത. എന്നാല്‍ തന്നെ തേടി വരുന്ന കഥാപാത്രങ്ങളില്‍ സാമന്ത തൃപ്തയല്ലെന്നാണ് സൂചനകള്‍. അതിനു ശേഷം എത്തിയ നിരവധി പ്രോജക്ടുകളാണ് താരം വേണ്ടെന്നു വെച്ചത്. തെലുങ്ക് താരം നാഗചൈതന്യയുമായുള്ള വിവാഹം അടുത്തതിനാലാണെന്നായിരുന്നു സൂചനകള്‍.

എന്നാല്‍ സാമന്ത ബോളിവുഡ് അരങ്ങേറ്റത്തിനുള്ള തയ്യാറെടുപ്പിലാണെന്ന് അടുത്ത വൃത്തങ്ങള്‍ പറയുന്നു. സാമന്തയുടെ ട്വീറ്റുകളും ഈ സൂചന നല്‍കുന്നു. തെന്നിന്ത്യയില്‍ അര്‍ത്ഥവത്തായ സ്ത്രീ കഥാപാത്രങ്ങള്‍ കണ്ടെത്താന്‍ സാധിക്കുന്നില്ല അതിനാല്‍ ബോളിവുഡിലേയ്ക്ക് കണ്ണു വെയ്ക്കുന്നെന്നും സാമന്ത പറയുന്നു. അടുത്ത വര്‍ഷം നാഗചൈതന്യയുമായുള്ള വിവാഹത്തിനായും താരം ഒരുങ്ങുന്നു.