ലോകത്ത് ഏറ്റവും സ്വാധീനമുള്ള വനിതകളെ ഉള്‍പ്പെടുത്തി ബിബിസി തയാറാക്കിയ പട്ടികയില്‍ നടി സണ്ണി ലിയോണും ഇടംപിടിച്ചു. 100 വനിതകളെ തെരഞ്ഞെടുത്തതിലാണ് സണ്ണി ലിയോണും ഉള്‍പ്പെട്ടിരിക്കുന്നത്. വ്യവസായികള്‍, എന്‍ജിനീയര്‍മാര്‍, കായികതാരങ്ങള്‍, സംരംഭകര്‍, ഫാഷന്‍ ഐക്കണുകള്‍, കലാകാരികള്‍ എന്നിവര്‍ മുഖ്യസ്ഥാനം അലങ്കരിക്കുന്ന പട്ടികയാണ് ബിബിസി തയാറാക്കിയത്.

ഗൗരി ചിന്ദര്‍കര്‍, മല്ലിക ശ്രീനിവാസന്‍, നേഹ സിങ്, സാലുമരാദ തിമ്മക്ക എന്നിവരാണ് പട്ടികയില്‍ ഇടംപിടിച്ചിട്ടുള്ള മറ്റ് ഇന്ത്യന്‍ വനിതകള്‍. 2011ല്‍ ബിഗ് ബോസ് റിയാലിറ്റി ഷോയിലൂടെ എത്തിയ സണ്ണി ലിയോണ്‍, പൂജ ഭട്ടിന്റെ ജിസം 2 എന്ന ചിത്രത്തിലൂടെയാണ് ബോളിവുഡില്‍ അരങ്ങേറ്റം കുറിക്കുന്നത്. അഞ്ചു വര്‍ഷത്തിലേറെയായി ബോളിവുഡിലെ നിറസാന്നിധ്യമാണ് സണ്ണി ലിയോണ്‍. സണ്ണി ലിയോണ്‍ പ്രശസ്തിയാര്‍ജ്ജിച്ചത് പോണ്‍ ചിത്രങ്ങളിലൂടെയാണെങ്കിലും ഇന്ന് തിരക്കേറിയ ബോളിവുഡ് താരങ്ങളിലൊരാളാണ്.

സണ്ണി ലിയോണ്‍ അഭിനയം നിര്‍ത്തുന്നതായാണ് ബോളിബുഡില്‍ നിന്ന് അടുത്തകാലത്ത് വന്ന വാര്‍ത്ത. അഭിനയവും സിനിമയും വിട്ട് അമ്മയാകാനുള്ള തീരുമാനത്തിലാണ് സണ്ണിയെന്നാണ് പുറത്തുവന്ന വിവരങ്ങള്‍. സിനിമയും കുടുംബവും ഒന്നിച്ചു കൊണ്ട് പോകാന്‍ സാധിക്കുന്നില്ല. പ്രായവും കടന്നു പോകുകയാണ്. അതിനാല്‍ എത്രയും പെട്ടെന്ന് അമ്മയാകണമെന്ന് ഡോക്ടര്‍മാര്‍ നിര്‍ദ്ദേശിച്ചു. വാര്‍ത്തയോട് സണ്ണിയുമായി ബന്ധപ്പെട്ടവര്‍ പറയുന്നു.

അതേസമയം, അമ്മയായി കഴിഞ്ഞാലും സിനിമയിലേക്ക് തിരിച്ചു വരവ് നടത്തുമെന്ന് താരത്തോട് അടുത്തവൃത്തങ്ങള്‍ പറയുന്നു. നായിക റോളുകള്‍ ഇല്ലെങ്കിലും തനിക്ക് ഈ രംഗത്തു പിടിച്ചു നില്‍ക്കാന്‍ അറിയാമെന്നാണ് സണ്ണി പറയുന്നത്.