ബ്ലാക്ക് മണി വേണ്ടെന്ന് നയന്‍സും അനുഷ്‌കയും
അഞ്ഞൂറിന്റെയും ആയിരത്തിന്റെയും നോട്ടുകള്‍ നിയമം വഴി കേന്ദ്രസര്‍ക്കാര്‍ അസാധുവാക്കിയതോടെ തമിഴ്, തെലുങ്ക് സിനിമകളിലെ നിര്‍മാതാക്കളും വിതരണക്കാരും വെട്ടിലായിരിക്കുകയാണ്. അതിന് പിന്നാലെയാണ് താരങ്ങള്‍ പുതിയ ഡിമാന്‍ഡുമായി രംഗത്തെത്തിയത്.
തങ്ങളുടെ ശമ്പളം ഇനി ബാങ്ക് അക്കൗണ്ട് വഴിയോ, ചെക്കായോ തരണമെന്ന് ഇരുവരും നിര്‍ദ്ദേശിച്ചിരിക്കുകയാണ്. തമിഴ്‌തെലുങ്ക് ചിത്രങ്ങളിലെ ടോപ്പ് നായികമാരായ ഇരുവരും പറയുന്നത് കേള്‍ക്കാതിരിക്കാന്‍ നിര്‍മാതാക്കള്‍ക്കാവില്ല. നയന്‍താര മൂന്ന് മുതല്‍ നാല് കോടി വരെയാണ് പ്രതിഫലം വാങ്ങുന്നത്. അനുഷ്‌ക്ക രണ്ട് മുതല്‍ മൂന്ന് കോടി വരെയും.
ഇത് മാത്രമല്ല ഇരുവരുടെയും ഡിമാന്‍ഡ് ശമ്പളത്തുകയുടെ നികുതി നിര്‍മാതാവ് തന്നെ അടയ്ക്കണം. ഭാവിയില്‍ തങ്ങള്‍ക്ക് യാതൊരുവിധ ബുദ്ധിമുട്ടും വരാതിരിക്കാനാണത്രെ ഈ മുന്‍കരുതല്‍. ഒരു നടീനടന്മാര്‍ക്കും ഇത്തരത്തില്‍ പേയ്‌മെന്റ് നടത്തിയിട്ടില്ലാത്ത നിര്‍മ്മാതാക്കളെ ഇത് ധര്‍മസങ്കടത്തിലാക്കി. സാധാരണ കള്ളപ്പണമാണ് പല താരങ്ങള്‍ക്കും പ്രതിഫലമായി നല്‍കിയിരുന്നത്.
പലപ്പോഴും കൂടുതല്‍ തുക നല്‍കിയിട്ട് കുറഞ്ഞ തുക നല്‍കിയെന്ന് വൗച്ചര്‍ ഒപ്പിട്ട് വാങ്ങുകയാണ് പതിവ്. ഇതിലൂടെ രണ്ട് കാര്യങ്ങളാണ് ഭംഗിയായി നടന്നിരുന്നത്. പ്രതിഫലവും നല്‍കാം ബ്ലാക്ക് മണി വൈറ്റും ആകും. എന്നാല്‍ കേന്ദ്രസര്‍ക്കാരും ആദായനികുതി വകുപ്പും ശക്തമായ നിലപാട് സ്വീകരിച്ചതോടെ എന്ത് ചെയ്യുമെന്ന ആശങ്കയിലാണ് നിര്‍മാതാക്കള്‍.
https://www.facebook.com/Malayalivartha
