മാധ്യമങ്ങള്‍ക്ക് മുന്നില്‍ വരാത്തത് പ്രത്യേകിച്ച് ഒന്നും പറയാനില്ലാത്തത് കൊണ്ടാണെന്ന് ജഗദീഷ്. പത്തനാപുരം തെരഞ്ഞെടുപ്പിന് ശേഷം മാധ്യമങ്ങളെ കാണാന്‍ ജഗദീഷ് ശ്രമിക്കാറില്ല. തെരഞ്ഞെടുപ്പ് ഫലം വന്ന് കഴിഞ്ഞ് പലരും വിളിച്ചിരുന്നു. അന്നും ഒഴിഞ്ഞ് മാറി. 

അത് കഴിഞ്ഞ് കുറേ മാസം കഴിഞ്ഞും പലരും വിളിച്ചു. എന്നാല്‍ പറയാന്‍ തുടങ്ങിയാല്‍ പലരെക്കുറിച്ചും പറയേണ്ടിവരും അത് പലരേയും വേദനിപ്പിക്കും. ഇതേ ആവശ്യം ഉന്നയിച്ച് പല മാധ്യമപ്രവര്‍ത്തകരും ഇപ്പോഴും വിളിക്കാറുണ്ടെന്നും ജഗദീഷ് വ്യക്തമാക്കി. തിരുവനന്തപുരത്ത് വേദം എന്ന സിനിമയില്‍ അഭിനയിച്ച് വരുകയാണ് ജഗദീഷ്. 

പത്തനാപുരം തെരഞ്ഞെടുപ്പില്‍ മോഹന്‍ലാലും പ്രിയദര്‍ശനും തന്നോട് പറഞ്ഞ വാക്ക് പാലിച്ചില്ലെന്ന് ജഗദീഷ് ആരോപിച്ചിരുന്നു. അത് വലിയ വിവാദവുമായിരുന്നു. അതിന് ശേഷം മമ്മൂട്ടി ചിത്രത്തില്‍ മാത്രമാണ് ജഗദീഷ് അഭിനയിച്ചത്. 

മാത്രമല്ല ഒരു ചാനലിന് നല്‍കിയ അഭിമുഖത്തില്‍, ജഗദീഷ് തന്നെ തെരഞ്ഞെടുപ്പ് പ്രചരണത്തിന് വിളിച്ചില്ലെന്നും ഗണേഷ് തന്റെ അനുജനാണെന്നും ജഗദീഷ് എന്റെ ചേട്ടന്റെ കൂടെ പഠിച്ചതാണെന്നും മോഹന്‍ലാല്‍ വെളിപ്പെടുത്തിയിരുന്നു. ഇത് ജഗദീഷിനെ വല്ലാതെ വേദനിപ്പിച്ചെന്നാണ് അറിയുന്നത്. മോഹന്‍ലാലിന്റെ കൂടെ തന്റെ അടുത്ത സുഹൃത്തായ പ്രയദര്‍ശന്‍ ഉണ്ടായിരുന്നത് ജഗദീഷിനെ ഏറെ വേദനിപ്പിച്ചു.