ഭാമയാരാ അത് പറയാന്‍... ഭാമയും റഹ്മാനും പരസ്യമായി ഏറ്റുമുട്ടി
നായകന്മാരെ വിമര്‍ശിച്ചു കൊണ്ട് ഭാമ രംഗത്തെത്തിയതോടെ റഹ്മാനും വിട്ടുകൊടുത്തില്ല. റഹ്മാനേയും ഭാമയേയും കേന്ദ്ര കഥാപത്രങ്ങളാക്കി വി എം വിനു സംവിധാനം ചെയ്യുന്ന മറുപടി എന്ന ചിത്രത്തിന്റെ പ്രെമോഷന്‍ ചടങ്ങിനിടിലാണു ഭാമയും റഹ്മാനും പരസ്യമായി ഏറ്റുമുട്ടിയത്. കോഴിക്കോട് പ്രസ് ക്ലബ്ബില്‍ നടന്ന മുഖാമുഖം പരിപാടിക്കിടയിലായിരുന്നു സംഭവം. പരിപാടിയില്‍ സംസാരിക്കുന്നതിനിടയില്‍ മലയാളത്തിലെ നായകന്മാരെ ഭാമ ശക്തമായി എതിര്‍ത്തു. കേരളത്തില്‍ സ്ത്രീ കേന്ദ്രികൃത സിനിമകള്‍ ഇല്ലാത്തതിനു കാരണം നായകന്മാരുടെ സമ്മര്‍ദ്ദമാണെന്നു ഭാമ പറഞ്ഞു.
ഭാമയുടെ ഈ അഭിപ്രായത്തോടു തനിക്കു യോജിപ്പില്ല എന്നു റഹ്മാന്‍ പറഞ്ഞു. സ്ത്രീകളെ മുഖ്യകഥപാത്രമാക്കുന്നതില്‍ പുരുഷന്മാര്‍ക്ക് എന്തെങ്കിലും സമ്മര്‍ദം ഉണ്ട് എന്നു താന്‍ വിശ്വസിക്കുന്നില്ല. അങ്ങനെ ഉണ്ടാകുമായിരുന്നെങ്കില്‍ ഈ ചിത്രത്തില്‍ താന്‍ നായകനാകുമായിരുന്നോ എന്നും റഹ്മാന്‍ ചോദിച്ചു.
ചിത്രത്തില്‍ 14 വയസുള്ള ഒരു പെണ്‍കുട്ടിയുടെ വേഷമാണു ഭാമയ്ക്ക്. 14 കാരിയുടെ അമ്മയായി വേഷമിടുന്നതിലൂടെ സമകലിക സംഭവങ്ങളിലേയ്ക്കുള്ള ചോദ്യങ്ങളും സിനിമയുണ്ട്. പുതിയ കാലത്ത് സ്ത്രീകള്‍ ഉയര്‍ത്തുന്ന ചോദ്യങ്ങളാണു ചിത്രത്തില്‍ പറയുന്നത്്. സ്ത്രീയെ കേന്ദ്ര കഥപാത്രമാക്കുന്ന പഴയ രീതിയിലേയ്ക്കുള്ള തിരിച്ചുവരവാണ് ഈ ചിത്രം എന്നും ഭാമ പറഞ്ഞു.
https://www.facebook.com/Malayalivartha
