സിനിമാക്കാരും ആരാധകരും എന്നും അസൂയയോടെകാണുന്ന ഒന്നാണ് മമ്മൂട്ടിയുടെ സൗന്ദര്യം. ഈ പ്രായത്തിലും അദ്ദേഹം തന്റെ ആരോഗവും സൗന്ദര്യവും നിലനിര്‍ത്തുന്നതിന്റെ രഹസ്യം സോഷ്യല്‍ മീഡിയയില്‍ എന്നപോലെ വാര്‍ത്തകളിലും ഇടം പിടിക്കാറുണ്ട്. എന്നാല്‍ മമ്മൂട്ടിതന്നെ അതിന്റെ രഹസ്യം വെളിപ്പെടുത്തുന്നു.... 

ഒരിക്കല്‍ സിനിമാ സെറ്റില്‍ വെച്ച് വളരെ കൗതുകത്തേയടെ ഒരാള്‍ മമ്മൂട്ടിയോട് ചോദിച്ചു. 'എന്താണ് നിങ്ങളുടെ സൗന്ദര്യരഹസ്യം?' വളരെ പെട്ടെന്നായിരുന്നു അതിനുള്ള മമ്മൂട്ടിയുടെ മറുപടി. 'നിങ്ങള്‍ ഏറ്റവും ഇഷ്ടപ്പെടുന്നതിനെ വേണ്ടെന്ന് തീരുമാനിച്ചാല്‍ മതി.' കേള്‍ക്കുമ്പോള്‍ നമുക്ക് നിസാരമായി തോന്നാം. പക്ഷേ അത് പ്രയോഗത്തില്‍ വരുത്താന്‍ അത്ര എളുപ്പമല്ല. നമുക്ക് ഏറ്റവും പ്രിയപ്പെട്ടതിനെ ഉപേക്ഷിക്കാനാണ് പറയുന്നത്. അതിനൊരു താപസമനസ്സ് ഉണ്ടായേ തീരൂ.

മമ്മൂട്ടി പ്രാവര്‍ത്തികമാക്കിയ സംഭവം പറയാം. ദീര്‍ഘകാലത്തിന് ശേഷം ഒരിക്കല്‍ മമ്മൂട്ടിയെ സത്യന്‍ അന്തിക്കാട് ഒരു ലൊക്കേഷനില്‍ വെച്ച് കണ്ടുമുട്ടി. വല്ലാതെ തടിച്ചിരിക്കുന്നു എന്ന് സത്യന്‍ അന്തിക്കാട് പറഞ്ഞു. ആണോ, എന്നാല്‍ ഇന്ന് മുതല്‍ നോണ്‍വെജ് ഉപേക്ഷിക്കുകയാണെന്ന് മമ്മൂട്ടി പ്രഖ്യാപിച്ചു. 

അന്ന് ഉച്ചയ്ക്ക് കോഴിക്കോട്ട് ബേബിമറൈന്റെ വീട്ടിലായിരുന്നു മമ്മൂട്ടിക്കും സത്യന്‍ അന്തിക്കാടിനും ഊണ്. അവിടെ നോണ്‍വെജ് വിഭവങ്ങളായിരുന്നു ഉണ്ടായിരുന്നത്. മമ്മൂട്ടി അതൊന്നും എടുത്തില്ല. എന്താണെന്ന് അന്തിക്കാട് ചോദിച്ചു?, നോണ്‍വെജ് രാവിലെ ഉപേക്ഷിച്ചതാണല്ലോ എന്ന് പറഞ്ഞു. അത് രാവിലെയല്ലേ, നാളെ മുതല്‍ തുടങ്ങിയാല്‍ പോരെ എന്ന് ചോദിച്ചു. അത് വേണ്ട, തീരുമാനമെടുത്താല്‍ ഉറച്ച് നില്‍ക്കണം. അതാണ് മമ്മൂട്ടി. അദ്ദേഹത്തിന്റെ സൗന്ദര്യ രഹസ്യവും അതാണ്.