സംസ്ഥാന ചലച്ചിത്ര അക്കാദമി അധ്യക്ഷന്‍ സംവിധായകന്‍ കമലിന്റെ വസതിയിലേക്ക് യുവമോര്‍ച്ചുയുടെ മാര്‍ച്ചും ദേശീയ ഗാനവും. തലസ്ഥാനത്ത് നടക്കുന്ന അന്താരാഷ്ട്ര ചലച്ചിത്രോത്സവത്തിന് സുപ്രീം കോടതി വിധിപ്രകാരം ദേശീയഗാനം കേള്‍പ്പിക്കേണ്ടതില്ലെന്ന് കമല്‍ പറഞ്ഞതായി ആരോപിച്ചാണ് യുവമോര്‍ച്ച മാര്‍ച്ച് സംഘടിപ്പിച്ചിരിക്കുന്നത്.

കമലിന്റെ വീട്ടിലേക്കുള്ള വഴിയില്‍ നിന്ന് ദേശീയ ഗാനം പാടി പ്രതിഷേധിച്ചു. അതേസമയം പ്രതിഷേധക്കാരെ ഭയക്കുന്നില്ലെന്ന് കമല്‍ പറഞ്ഞു. പ്രതിഷേധത്തിലൂടെ ദേശീയ ഗാനത്തെ അവഗണിക്കുന്നത് അവരാണെന്നും കമല്‍ അഭിപ്രായപ്പെട്ടു.

ചലച്ചിത്രമേളയില്‍ ദേശീയഗാനം കേള്‍പ്പിക്കുന്നതിനെതിരെ വന്‍ പ്രതിഷേധം ഉയര്‍ന്നിരുന്നു. തീയേറ്ററില്‍ എഴുന്നേല്‍ക്കാന്‍ തയ്യാറാകാത്തവരെ പോലീസ് കഴിഞ്ഞ ദിവസം അറസ്റ്റ് ചെയ്തിരുന്നു.