പാലാ രാമപുരത്തെ ബംഗ്ലാവില്‍ മലയാളം മുതല്‍ ഹിന്ദി സിനിമ വരെ
വരിക്കാശേരിമനയായിരുന്നു ഒരു കാലത്ത് മലയാള സിനിമയുടെ തറവാട്. മലയാളം, തമിഴ് സിനിമകള്‍ ധാരാളം ഇവിടെ ചിത്രീകരിച്ചു. എന്നാല്‍ ന്യൂജെന്‍ സിനിമാക്കാര്‍ വന്നതോടെ വരിക്കാശേരിമയിലെ ജീവിതത്തിന് വല്യ പ്രാധാന്യമില്ലാതായി. കോട്ടയം, പാലാ രാമപുരത്തുള്ള ആള്‍ഡ്രിന്‍നെല്ലോല എന്ന ബംഗ്ലാവ് മലയാളം, തമിഴ്, ഹിന്ദി സിനിമാക്കാരുടെ താവളമാണിപ്പോള്‍. സംവിധായകന്‍ സിദ്ദിഖാണ് ഈ ബംഗ്ലാവിനെ ശ്രദ്ധേയനാക്കിയത്. അദ്ദേഹത്തിന്റെ ഇറങ്ങാനുള്ള ചിത്രമായ ഫുക്രി ഇവിടെയാണ് ചിത്രീകരിച്ചത്.
പാലാ രാമപുരം പ്രധാന റോഡില്‍ നിന്ന് അല്‍പം അകലെയായി വിശാലമായി പണിത ബംഗ്ലാവാണ് ആള്‍ഡ്രിന്‍നെല്ലോല. കമനീയമായി ഡിസൈന്‍ ചെയ്ത് അലങ്കരിച്ച ബംഗ്ലാവ്. ഫുക്രിയിലെ എല്ലാ കഥാപാത്രങ്ങളും ഈ ലൊക്കേഷനില്‍ വരുന്നുണ്ടെന്ന് സംവിധായകന്‍ സിദ്ദിഖ് പറഞ്ഞു. ഇവിടെ ആദ്യം ഷൂട്ട് ചെയ്തത് സച്ചിയുടെ അനാര്‍ക്കലിയാണ്. തമിഴ് ഉള്‍പ്പെടെ അഞ്ചോളം ചിത്രങ്ങളുടെ ചിത്രീകരണം ഇവിടെ നടന്ന് കഴിഞ്ഞു. ഫുക്രിയുടെ ചിത്രീകരണം പൂര്‍ത്തിയായ ശേഷം ബോളിവുഡ് സിനിമയുടെ ഷൂട്ടിംഗ് പുരോഗമിക്കുകയാണ്.
പാലാ കാഞ്ഞിരപ്പള്ളി മലയാള സിനിമയുടെ സ്ഥിരം ലൊക്കേഷനുകളില്‍ ഒന്നാണെങ്കിലും ഇത്രയും മനോഹരമായ ബംഗ്ലാവ് അടുത്തകാലത്താണ് കണ്ടെത്തിയത്. അതേസമയം ഇതിലും മനോഹരമായ ബംഗ്ലാവുകള്‍ ഉണ്ടെങ്കിലും പലരും ഷൂട്ടിംഗിന് കൊടുക്കാറില്ലെന്ന് പ്രൊഡക്ഷന്‍ മാനേജര്‍ ഷണ്‍മുഖന്‍ പറഞ്ഞു. പാലായ്ക്ക് അടുത്തുള്ള മുല്ലയ്ക്കല്‍ ബംഗ്ലാവിലാണ് മമ്മൂട്ടി നായകനായ പ്രയ്‌സ് ദ ലോര്‍ഡ് ചിത്രീകരിച്ചത്. കാഞ്ഞിരപ്പള്ളിക്ക് അടുത്തുള്ള പള്ളികളില്‍ മിക്കപ്പോഴും ഷൂട്ടിംഗ് ഉണ്ടാകും.
https://www.facebook.com/Malayalivartha
