ഷാരൂഖ് ഖാന്‍ നായകനാകുന്ന റായീസിന്റെ ടീസറില്‍ ഏറ്റവും ശ്രദ്ധയാകര്‍ഷിച്ചത് സണ്ണിയുടെ ഐറ്റം ഡാന്‍സായിരുന്നു. ഈ സിനിമയില്‍ അഭിനയിച്ചന്റെ പേരില്‍ തനിക്ക് വളരെ വലിയൊരു അഭിനന്ദനം ലഭിച്ചതിന്റെ സന്തോഷത്തിലാണ് ബോളിവുഡ് ഹോട്ട് ഗേള്‍ സണ്ണി ലിയോണ്‍. അടുത്തിടെ ഒരു ചടങ്ങില്‍വച്ച് ഷാരൂഖിന്റെ ഭാര്യ സണ്ണിയുടെ പ്രകടനത്തെ നേരിട്ട് അഭിനന്ദിച്ചു. അത്ഭുതകരം എന്നാണ് ഗൗരി സണ്ണിയോട് പറഞ്ഞത്.

ഷാരൂഖും അഭിനന്ദിച്ചെങ്കിലും ഗൗരിഖാനില്‍ നിന്ന് കിട്ടിയത് സര്‍പൈസ് ആയിരുന്നുവെന്നാണ് സണ്ണി അടുത്ത സുഹൃത്തുക്കളോട് പറഞ്ഞതത്രേ. ഗൗരി ഖാനെ പോലൊരു സ്ത്രീ തന്റെ പ്രകടനം കണ്ടതും വിലയിരുത്തിയതുമാണ് സണ്ണിയെ അത്ഭുതപ്പെടുത്തിയത്. എന്തായാലും ചടങ്ങിനെത്തിയ ഭൂരിഭാഗം പേരും സണ്ണിക്ക് അഭിനന്ദനങ്ങള്‍ ചൊരിഞ്ഞു.