വിവാഹ മോചനം നേടിയിട്ടും ബീച്ചില്‍ സൂസനും മക്കള്‍ക്കുമൊപ്പം കറങ്ങി ഋത്വിക് റോഷന്‍
നമ്മുടെ രാജ്യത്ത് വിവാഹമോചനങ്ങള്‍ ധാരാളം നടക്കുന്നുണ്ട്. അതില്‍ സാധാരണക്കാരും സെലിബ്രിറ്റികളും ഉള്‍പ്പെടുന്നു. എന്നാല്‍ വിവാഹമോചനം നേടിക്കഴിഞ്ഞാല്‍ ഇവര്‍ ശത്രുക്കളെ പോലെയാണ് പിന്നീടുള്ള കാലം കഴിയുന്നത്. ഇതിനിടയില്‍ ഇവര്‍ക്ക് ജനിച്ച കുട്ടികളെ പോലും ഇവര്‍ ശ്രദ്ധിക്കാറില്ല. അവരുടെ മാനാസീകാവസ്ഥ എന്തായിരിക്കുമെന്ന് ഓര്‍ക്കാറു പോലുമില്ല. മക്കള്‍ ഒന്നുകില്‍ പിതാവിന്റെ കൂടെ അല്ലെങ്കില്‍ മാതാവിന്റെ കൂടെ അങ്ങനെയാവും കോടതി വിധി.
അതിനുശേഷം മക്കള്‍ക്ക് ആരെങ്കിലും ഒരാള്‍ മാത്രമായിരിക്കും രക്ഷിതാവായിട്ടുണ്ടാവുക. കോടതി ആരോടൊപ്പം പോകാന്‍ പറഞ്ഞോ അവരോടൊപ്പം മക്കള്‍ പോകണം. അതാണ് ഇപ്പോഴത്തെ സ്ഥിതി. എന്നാല്‍ സാധരണയായി ഉള്ള വിവാഹമോചിതരെ പോലെയല്ല ഋത്വിക് റോഷനും ഭാര്യ സൂസനും.
ദമ്പതികള്‍ എന്ന നിലയ്ക്കുള്ള ബന്ധം ഇരുവരം അവസാനിപ്പിച്ചെങ്കിലും കണ്ടുമുട്ടുമ്പോല്‍ പരസ്പരം ഈര്‍ഷ്യയോടെ പെരുമാറാതിരിക്കാനും മക്കള്‍ക്ക് മാതാപിതാക്കള്‍ ഇരുവരുടെയും സ്‌നേഹം കിട്ടുന്നതിനും ഇരുവരും ശ്രദ്ധവെക്കുന്നു.
ഇപ്പോഴിതാ മക്കള്‍ക്കായി ഒരുമിച്ച് ഒരു യാത്ര പോകുന്നതിനും ഇരുവരും തയാറായിരിക്കുന്നു. ദുബായിയിലെ ബീച്ചില്‍ മക്കള്‍ക്കും ഋത്വികിനുമൊപ്പം പുതുവര്‍ഷം ആഘോഷിക്കുന്നതിന്റെ ഫോട്ടോ സൂസന്‍ തന്നെയാണ് ഇന്‍സ്റ്റഗ്രാമില്‍ പോസ്റ്റ് ചെയ്തത്.
https://www.facebook.com/Malayalivartha
