സോഷ്യല്‍മീഡിയാ ആക്രമണങ്ങള്‍ക്ക് ഇരയാവുന്ന അവതാരകര്‍ ഉണ്ടെങ്കിലും ഇത്രേയേറെ ആക്രമിക്കപ്പെടുന്ന മറ്റൊരാള്‍ ഉണ്ടാവില്ല. തെരുവ് പട്ടികളെ കൊന്നൊടുക്കുന്നിതിനെ കുറിച്ചുള്ള അഭിപ്രായ പ്രകടനമാണ് രഞ്ജിനിയെ സാധാരണക്കാരുടെ ശത്രുവാക്കി മാറ്റിയത്.

എന്നാല്‍ ഫേസ്ബുക്കിലും മറ്റും തന്നെ തെറി വിളിക്കുന്നവരോട് രഞ്ജിനിക്ക് യാതൊരു വിധത്തിലുള്ള ദേഷ്യവുമില്ലത്രേ. മറിച്ച് ഇത്തരത്തില്‍ വിളിക്കപ്പെടുന്ന തെറികള്‍ താന്‍ ആസ്വദിക്കാറുണ്ടെന്നാണ് രഞ്ജിനി തന്നെ വെളിപ്പെടുത്തിയിരിക്കുന്നത്.

തന്നെ സമൂഹമാധ്യമങ്ങളിലൂടെ ചീത്തവിളിക്കുന്നവര്‍ അറിയാനായി ഒരു കാര്യവും രഞ്ജിനി പറഞ്ഞു. ഫേസ്ബുക്കിലും മറ്റും സ്വന്തം പേജിലെത്തി തെറിവിളിക്കുന്നവരോട് തനിക്ക് കാര്യമായ ദേഷ്യമൊന്നുമില്ല, പകരം അതിനെ വളരെ പോസറ്റീവായി കാണുകയാണ്. പ്രത്യേകിച്ചും വല്ലാതെ വിഷമിച്ചിരിക്കുമ്‌ബോള്‍, അല്ലെങ്കില്‍ ബോറടിച്ചിരിക്കുമ്‌ബോള്‍. ആളുകളുടെ അഭിപ്രായം കേള്‍ക്കുന്നതു പോലെ ഒരു വിനോദം തനിക്ക് ജീവിതത്തിലില്ല. വല്ലാതെ ദു:ഖം വരുമ്‌ബോള്‍ താന്‍ നേരെ ഫേസ്ബുക്കില്‍ കയറി നാട്ടുകാര്‍ ചീത്തവിളിച്ചത് വായിച്ച് രസിക്കുന്നതാണ് തന്റെ ഹോബി. ഇത്ര തമാശ മറ്റൊന്നിലും ഇല്ലെന്നും രഞ്ജിനി ഹരിദാസ് പറയുന്നു.

കൂടാതെ താന്‍ ഒരിക്കല്‍ പ്രണയിച്ച് വഞ്ചിക്കപ്പെട്ടിട്ടുണ്ടെന്നും രഞ്ജിനി പറയുന്നു. താന്‍ ഒരാളെ ആത്മാര്‍ഥമായി പ്രണയിച്ചിരുന്നുവെന്നും എന്നാല്‍ അയാള്‍ തന്റെ പ്രശസ്തി മാത്രമാണ് ലക്ഷ്യം വച്ചതെന്നും വളരെ വൈകിയാണ് മനസിലായതെന്നും രഞ്ജിനി പറഞ്ഞു. മഴവില്‍ മനോരമയിലെ ഒന്നും ഒന്നും മൂന്ന് എന്ന പരിപാടിക്കിടെയാണ് രഞ്ജിനി തന്റെ മനസ് തുറന്നത്.