നിങ്ങള്‍ മക്കളെ അമിതമായി നിയന്ത്രിക്കാറുണ്ടോ? എങ്കില്‍ മോഹന്‍ലാല്‍ പറയുന്നത് കേള്‍ക്കണം
നിങ്ങളുടെ മകനെ നിങ്ങള്‍ നിയന്ത്രിക്കാറുണ്ടോ? എന്നാല്‍ സ്വന്തം മകനെ ഒഴിക്കലും നിയന്ത്രിക്കാത്ത ഒരച്ഛനുണ്ട്. അത് സാക്ഷാല്‍ മോഹന്‍ലാലാണ്.
ശരിക്കും ഒരു ഈശ്വരവിശ്വാസിയായ മോഹന്‍ലാല്‍ ഭക്തനാകാന്‍ മകനെ പ്രേരിപ്പിക്കാറുണ്ടോയെന്ന ചോദ്യത്തിനാണ് ലാല്‍ മനസു തുറന്നത്. അതിരാവിലെ വീട്ടിലെ സ്ത്രീകള്‍ കുളിച്ച് ക്ഷേത്രത്തില്‍ പോകുന്ന ഒരു കുടുംബത്തിലാണ് താന്‍ ഇറിച്ചത്. തനിക്കും ഇപ്രകാരം പ്രവര്‍ത്തിക്കാന്‍ താത്പര്യമുണ്ടെങ്കിലും സാധിക്കുന്നില്ല .അതിന് കഴിയുന്ന കാലത്ത് കുളിച്ച് അമ്പലത്തില്‍ പോയിരുന്നു. ഇന്നും താന്‍ ഒരു ഈശ്വരവിശ്വാസിയാണ്. അതിനാല്‍ താന്‍ അപകടങ്ങളില്‍ പരിഭ്രമിക്കാറില്ല. ഏത് അപകടത്തിലും ദൈവം തനിക്ക് തുണയായി എത്താറുണ്ട്. അതിനാല്‍ താന്‍ നിരാശനാകാറില്ല.
എന്നാല്‍ പ്രണവ് അങ്ങനെയല്ല. അവന് അതിരാവിലെ എഴുന്നേല്ക്കുകയോ അമ്പലങ്ങളില്‍ പോവുകയോ ഇല്ല. 23 രാജ്യങ്ങളില്‍ നിന്നുള്ള കുട്ടികള്‍ പഠിക്കുന്ന ക്രിസ്ത്യന്‍ റെസിഡന്‍ഷ്യല്‍ സ്‌കൂളിലാണ് പ്രണവ് പഠിച്ചത്. അതിനാല്‍ പ്രണവിന്റെ ചിന്തകള്‍ പാശ്ചാത്യ രീതിയിലാണ് രൂപപ്പെട്ടത്. ചിലപ്പോള്‍ പാശ്ചാത്യമായ ഒരു തത്വശാസ്ത്രമാകാം പ്രണവിനെ സ്വാധീനിച്ചിട്ടുള്ളത്.
രാവിലെ എഴുന്നേറ്റ് കുളിക്കാനും അമ്പലത്തില്‍ പോകാനും എനിക്ക് നിര്‍ബന്ധിക്കാനാവില്ല. പ്രണവ് ഫിലോസഫി പഠിച്ചിട്ടുണ്ട്. അവന് അവന്റേതായ ഫിലോസഫിയുണ്ട്. അവന് പുസ്തകം വായിച്ചു കൊണ്ടിരിക്കുന്നതിനിടയില്‍ ദൈവത്തെ പ്രാര്‍ത്ഥിക്കാന്‍ പറയാന്‍ എനിക്കാവില്ല. അതെന്തായാലും ഒരു ദൈവത്തെ പ്രാര്‍ത്ഥിച്ചാല്‍ എന്തു ഫലം കിട്ടുമെന്ന് അവന് ചോദിക്കാറുണ്ട്. എനിക്ക് അത്തരം കാര്യങ്ങളെ കറിച്ച് വലിയ വിവരമില്ലാത്തതിനാല്‍ അത്തരം തര്‍ക്കങ്ങള്‍ക്ക് പോകാറില്ല.
സിനിമയിലെ കാര്യങ്ങളിലും താന്‍ ഇടപെടാറില്ല. പ്രണവിന് അവന്റേതായ കാര്യങ്ങളില്‍ തീരുമാനമെടുക്കാനുള്ള പ്രാപ്തിയുണ്ട്. ഉപദേശങ്ങള്‍ ചോദിക്കുമ്പോള്‍ മാത്രം നല്‍കാറുണ്ട്. ആവശ്യമില്ലാത്ത കാര്യങ്ങളില്‍ ഉപദേശങ്ങള്‍ ചോദിക്കാറില്ല. പറയാറുമില്ല.
എന്തിനും ഏതിനും കുട്ടികളെ ഉപദേശിച്ച് കൊല്ലുന്ന മാതാപിതാക്കള്‍ക്ക് ഇതൊരു പാഠമായി തീരട്ടെ.
https://www.facebook.com/Malayalivartha
