സാധാരണ സ്ത്രീകള്‍ മറച്ചുവയ്ക്കാന്‍ ശ്രമിക്കുന്ന ഒരു കാര്യമാണ് പ്രസവ ശേഷമുള്ള വയറ്റിലെ ചുളിവുകളുടെ അടയാളങ്ങള്‍. എന്നാല്‍ സിനിമാതാരമായിട്ടു കൂടി കനിഹ അത് മറച്ചില്ല. 

ഈ അടയാളം വരാതിരിക്കാന്‍ പലരും സിസേറിയനിലൂടെ കുഞ്ഞിന് ജന്മം നല്‍കാറാണ് പതിവ്. എന്നാല്‍ ഒരു നടിയായിട്ടും കനിഹ പ്രസവ ശേഷമുള്ള തന്റെ വയറിലെ പാടുകള്‍ മറച്ചുവയ്ക്കാന്‍ ശ്രമിച്ചില്ല. എന്റെ വയറില്‍ കാണുന്ന പാടുകള്‍ അമ്മയായതിന്റെ അടയാളമാണെന്നാണ് കനിഹ പറയുന്നത്. 

പ്രസവശേഷം സൗന്ദര്യം വര്‍ധിപ്പിയ്ക്കാന്‍ ഓടി നടക്കുന്ന അമ്മമാരെ കണ്ട് താന്‍ ശരിക്കും ഞെട്ടി. പ്രസവശേഷം സൗന്ദര്യം വീണ്ടെടുക്കാന്‍ ശാസ്ത്രക്രിയ നടത്തുന്നത് അനാരോഗ്യത്തിലെ ചെന്നെത്തൂ എന്നാണ് കനിഹയുടെ വിലയിരുത്തല്‍. 

മകന് മൂന്ന് വയസ്സ് പ്രായമായപ്പോള്‍ കനിഹ ഒരു ഫാഷന്‍ ഷോയില്‍ പങ്കെടുത്തു. പ്രസവശേഷം വയറിലുള്ള പാടുകള്‍ ഒരു മേക്കപ്പ് കൊണ്ട് മറച്ചു വയ്ക്കാതെയാണ് കനിഹ റാംപില്‍ നടന്നത്. അന്ന് അതിന്റെ പേരില്‍ കനിഹ ഒത്തിരി വിമര്‍ശനങ്ങള്‍ കേട്ടു. എന്നാല്‍ ഇതിനെതിരെ കനക പ്രതികരിച്ചത് അതെല്ലാം അമ്മയായതിന്റെ ലക്ഷണങ്ങളാണെന്നാണ്.