ഐശ്വര്യലക്ഷ്മി 'ഞണ്ടുകളുടെ നാട്ടില്‍ ഒരിടവേള' എന്ന ചിത്രത്തിലൂടെ മലയാളികള്‍ക്ക് പരിചിതയാകാനിരിക്കുന്ന നടി. നിവിന്‍പോളിയുടെ നായിക എന്ന ലേബലോടുകൂടി തുടക്കം. ചിത്രം റിലീസാകുന്നതിനുമുമ്പുതന്നെ ഐശ്വര്യക്ക് തെലുങ്കില്‍നിന്നും ഓഫര്‍ ലഭിച്ചിരിക്കുന്നു. ചിത്രം 'നന്ദമുറി കല്യാണ്‍റാം'. ജയേന്ദ്രനും പി.സി. ശ്രീറാം എന്നീ പ്രശസ്തര്‍ ഈ ചിത്രത്തിനായി അണിനിരക്കുന്നു. 

ഒപ്പം മലയാളത്തില്‍തന്നെ ടൊവിനോയുടെ നായികയായി ആഷിഖ് അബുവിന്റെ 'മായാണ്ടി' എന്ന ചിത്രത്തിന്റെ കരാറിലും ഒപ്പിട്ടുകഴിഞ്ഞു. അങ്ങനെ ആദ്യ ചിത്രത്തിന്റെ റിലീസിനുമുമ്പേതന്നെ ഐശ്വര്യ തിരക്കുള്ള നായികനിരയിലേയ്ക്ക് ഉയരുന്നു.