ഈ പ്രമുഖനടനുവേണ്ടി അന്ന് ഞാൻ വഴിപാട് കഴിച്ചിരുന്നു മിമിക്രിയില് എനിക്ക് ഗുരുതുല്യനായ നടൻ...
ജയറാം നായകനാവുന്ന ദൈവമേ കൈ തൊഴാം കെ കുമാറാകണം’ എന്ന പുതിയ ചിത്രത്തിന്റെ തിരക്കിലാണ് നടൻ സലീംകുമാർ. ചിത്രത്തിന്റെ രചനയും സംവിധാനവും നിര്വഹിക്കുന്നത് സലിം കുമാര് തന്നെയാണ്. അനുശ്രീയാണ് ചിത്രത്തില് നായികയായി എത്തിയിരിക്കുന്നത്. കുടുംബ പശ്ചാത്തലത്തില് ഒരുങ്ങുന്ന ചിത്രത്തില് കെ. കുമാര് എന്ന കഥാപാത്രമായാണ് ജയറാം എത്തുന്നത്.
ഇപ്പോഴിതാ വര്ഷങ്ങള്ക്ക് മുന്പ് നടന്ന ഒരു സംഭവം ഓർത്തെടുക്കുകയാണ് സലീംകുമാർ. പത്മരാജന്റെ അപരൻ എന്ന സിനിമയിലൂടെയാണ് ജയറാമിന്റെ അരങ്ങേറ്റം. മിമിക്രി കലാകാരനായ ജയറാമിനെ നായകനാക്കി പത്മരാജന് സിനിമ എടുക്കുന്നുവെന്നറിഞ്ഞപ്പോള് ആ കലാകാരന് വേണ്ടി സലീംകുമാർ വഴിപാട് കഴിച്ചിരുന്നുവത്രെ. അന്ന് ജയറാമിനുവേണ്ടി വഴിപാട് കഴിക്കുമ്പോൾ ഭാവിയില് അവനുമൊത്ത് സിനിമ ചെയ്യുമെന്ന് വിചാരിച്ചതേയില്ലെന്നും സലീംകുമാർ പറഞ്ഞു. ഒരു പ്രമുഖവാരികയ്ക്ക് നൽകിയ അഭിമുഖത്തിലാണ് അദ്ദേഹം തന്റെ വഴിപാട് രഹസ്യം പങ്കുവച്ചത്.
മിമിക്രി കലാകാരന്മാര് കടുത്ത അവഗണന നേരിടുന്ന സമയമായിരുന്നു അത്. മിമിക്രിയില് നിന്നുള്ള കലാകാരനെ നായകനാക്കി സിനിമ എടുക്കുന്നുവെന്ന വാര്ത്ത അറിഞ്ഞപ്പോള് പത്മരാജന് ഭ്രാന്തുണ്ടോയെന്ന് പലരും ചോദിച്ചിരുന്നു. പത്മരാജന് ജയറാമിനെ നായകനാക്കി സിനിമ എടുക്കുന്ന സമയത്ത് ഞാൻ കൊല്ലം ശാരികയുടെ മിമിക്രി ഗ്രൂപ്പില് അംഗമായിരുന്നു. മിമിക്രിയില് ഞാൻ ഗുരുതുല്യനായി കാണുന്ന ജയറാമിനെ നായകനാക്കി സിനിമ എടുക്കുന്നുവെന്ന് അറിഞ്ഞതിന് ശേഷം അദ്ദേഹം സിനിമയില് വിജയിക്കുന്നതിന് വേണ്ടി പരവൂരിലെ കളരിക്കല് അമ്പലത്തില് പോയി വഴിപാട് കഴിപ്പിച്ചിരുന്നു- സലീംകുമാർ പറഞ്ഞു.
https://www.facebook.com/Malayalivartha
