നടനും സംവിധായകനുമായ സൗബിൻ ഷാഹിറിന്റെ വിവാഹം കഴിഞ്ഞതായി റിപ്പോർട്ടുകൾ
നടനും സംവിധായകനുമായ സൗബിൻ ഷാഹിറിന്റെ വിവാഹം കഴിഞ്ഞതായി വാർത്ത. പിങ്കിവില്ല. കോം എന്ന ഓൺലൈൻ സൈറ്റാണ് ചിത്രമുൾപ്പെടെ വിവാഹ വാർത്ത പുറത്തുവിട്ടിരിക്കുന്നത്. ഒക്ടോബർ 19ന് ജെമിയ സഹീറിനെ വിവാഹം ചെയ്തുവെന്നാണ് വാർത്തയിൽ പറയുന്നത്. സൗബിന്റെ കൊച്ചിയിലെ വീട്ടിൽ വച്ച് വളരെ അടുത്ത ബന്ധുക്കൾ മാത്രം പങ്കെടുത്ത സ്വകാര്യ ചടങ്ങായിരുന്നു വിവാഹമെന്നും പറയപ്പെടുന്നു. ഇതു സംബന്ധിച്ച് ഔദ്യോഗിക വിശദീകരണം വന്നിട്ടില്ല.
ജെമിയയുടെ ഫേസ്ബുക്കിൽ ഇരുവരുമൊത്തുള്ള ചിത്രവും പങ്കുവച്ചിട്ടുണ്ട്. പ്രണയവിവാഹമായിരുന്നുവെന്നും വാർത്തകളിൽ പറയുന്നുണ്ട്. 2003ൽ സിദ്ധിഖ് ചിത്രമായ ക്രോണിക് ബാച്ചിലറിൽ അസിസ്റ്റൻഡ് ഡയറക്ടറായാണ് സൗബിൻ തന്റെ സിനിമാ ജീവിതത്തിന് തുടക്കമിടുന്നത്.
അൽഫോൺസ് പുത്രന്റെ പ്രേമത്തിൽ പിടി മാഷ് എന്ന കഥാപാത്രത്തിലൂടെ സൗബിനിലെ നടനെ സിനിമാ ലോകം തിരിച്ചറിഞ്ഞു. ദുൽഖർ സൽമാൻ നായകനായ പറവയിലൂടെ താനൊരു മികച്ച സംവിധായകനാണെന്നും സൗബിൻ തെളിയിച്ചു. ബാബു ഷാഹിറിന്റെ മകനാണ് സൗബിൻ.
https://www.facebook.com/Malayalivartha