നായകന് നായികയ്ക്ക് നൽകിയത് ഓട്ടോ ഡ്രൈവറുടെ നമ്പര്; ദിവസം വരുന്നത് നൂറിലേറെ ആരാധികമാരുടെ കോള്, ഭര്ത്താവിന് അവിഹിത ബന്ധമെന്നാരോപിച്ച് ഭാര്യ പിണങ്ങി പോയി, ജീവിതം താറുമാറായി ഓട്ടോ ഡ്രൈവര്
സിനിമയില് നായകന് നായികയ്ക്ക് കൈമാറിയ ഫോണ് നമ്പര് കാരണം ജീവിതം താറുമാറായി ഓട്ടോ ഡ്രൈവർ. അടുത്തിടെ റിലീസ് ചെയ്ത ബംഗ്ലാദേശി സൂപ്പര് താരമായ ഷാകിബ് ഖാന്റെ രാജ് നീതി എന്ന ചിത്രത്തിലെ രംഗമാണ് ഓട്ടോ ഡ്രൈവര്ക്ക് വിനയായത്. നായകന് തന്റെ നമ്പര് ആണെന്ന് പറഞ്ഞ് നായികയ്ക്ക് കൈമാറിയത് സാധാരണക്കാരനായ ലിജാജുള് മിയ എന്ന ഓട്ടോറിക്ഷ ഡ്രൈവറുടെ നമ്പറായിരുന്നു.
സിനിമ കണ്ട ഷാകിബ് ഖാന്റെ ആരാധകര് ഈ ഫോണ് നമ്പര് കുറിച്ചെടുത്ത് അദ്ദേഹമാണെന്നു കരുതി ഫോണ് വിളിക്കാനും ആരംഭിച്ചു. ഷാകിബിന്റെ ആരാധികമാര് മാറിമാറി ഈ നമ്പറിലേക്ക് വിളിക്കുവാന് ആരംഭിച്ചു. ദിവസേന നൂറുകണക്കിന് സ്ത്രീകളുടെ ഫോണ് കോളുകള് നിര്ത്താതെ എത്തിയതോടെ അദ്ദേഹത്തിന് മറ്റ് സ്ത്രീകളുമായി അവിഹിത ബന്ധമുണ്ടെന്ന് ആരോപിച്ച് ഭാര്യയും പിണങ്ങിയിരിക്കുകയാണ്.
അദ്ദേഹത്തിന് ഒരു കുട്ടിയുമുണ്ട്. തനിക്ക് ഈ മൊബൈല് ഫോണ് നമ്പര് മാറാന് സാധിക്കില്ല എന്നാണ് മിയ പറയുന്നത്. കാരണം യാത്രക്കായി ആവശ്യക്കാര് വിളിക്കുന്നത് ഈ നമ്പരിലാണ്. നമ്പര് മാറിയാല് അത് എന്റെ ബിസിനസിനെ ബാധിക്കുമെന്നും അദ്ദേഹം പറയുന്നു. ഫോണ് കോളുകള് കാരണം പൊറുതിമുട്ടിയ മിയ, ഷാകിബ് ഖാന്റെ പക്കല് നിന്നും നഷ്ടപരിഹാരമായി അഞ്ചു മില്യണ് തക( ബംഗ്ലാദേശ് കറന്സി) വേണമെന്ന് ആവശ്യപ്പെട്ട് കോടതിയെ സമീപിച്ചിരിക്കുകയാണ്. സംഭവത്തില്അന്വേഷണം നടത്തണമെന്ന് കോടതി വിധിച്ചു.
https://www.facebook.com/Malayalivartha