അച്ഛനെ വെല്ലുന്ന മകനായാണ് പ്രണവ് മോഹൻലാൽ എന്ന നവാഗതനെ കുറിച്ച് ആദിയുടെ ലൊക്കേഷനിൽ എല്ലാവരും പറയുന്നത്. സൂപ്പർഹിറ്റുകളുടെ തോഴൻ ജിത്തു ജോസഫിന്റെ ആദിയാണ് പ്രണവ് നായകനാവുന്ന ആദ്യ ചിത്രം.

പ്രണവ് മോഹന്‍ലാല്‍ നായകനാകുന്ന ജിത്തു ജോസഫ് ചിത്രമായ 'ആദി'യുടെ ഫസ്റ്റ് ലുക് പോസ്റ്റർ പുറത്തിറങ്ങി. ജീത്തു ജോസഫാണ് ചിത്രം സംവിധാനം ചെയ്യുന്നത്. പ്രണവ് നായകനാകുന്ന അരങ്ങേറ്റ ചിത്രമാണ് ആദി. അനുശ്രീ, ഷറഫുദ്ദീൻ, സിജു വിൽസൺ എന്നിവരാണ് ആദിയിലെ മറ്റ് താരങ്ങൾ. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ് ചിത്രം നിർമ്മിക്കുന്നത്.

എന്നാൽ തന്റെ മകന് നന്നായി അഭിനയിക്കാൻ കഴിയുമോ എന്ന കാര്യത്തിൽ മോഹൻലാലിന് ആദ്യം ആത്മവിശ്വാസ കുറവ് ഉണ്ടായിരുന്നു. എന്നാൽ ചിത്രീകരിച്ച ദൃശ്യങ്ങൾ കണ്ടപ്പോൾ മോഹൻലാൽ പോലും അത്ഭുതപ്പെട്ടു എന്നാണ് കഥ.

ആക്ഷന് പ്രാധാന്യമുള്ള സിനിമയാണ് ആദി. ആക്ഷൻ രംഗങ്ങൾ അയത്നലളിതമായാണ് പ്രണവ് അവതരിപ്പിക്കുന്നത്. ഇതിലെ ഹൈലൈറ്റും ആക്ഷൻ രംഗങ്ങൾ തന്നെയാണ്. അക്രോ ബ്രാറ്റിക് രീതിയിലുള്ള ശാരീരികാഭ്യാസവും ഇതിനായി പ്രണവ് നടത്തിയിരുന്നു. ഹോളിവുഡിനെ വെല്ലുന്ന ആക്ഷൻ രംഗങ്ങളാണ് ജിത്തുവിന്റെ സിനിമയിലുള്ളത്.

കൊച്ചിയിൽ ആക്ഷൻ രംഗങ്ങൾ ചിത്രീകരിക്കുന്നതിനിടയിൽ പ്രണവിന് പരിക്കേറ്റിരുന്നു. എന്നാൽ പരിക്ക് സാരമില്ലെന്നു പറഞ്ഞ് വീണ്ടും അഭിനയിക്കാൻ ഒരുങ്ങുകയാണ് പ്രണവ് .

ആത്മാർത്ഥതയുടെ കാര്യത്തിൽ പ്രണവ് അഛനെ പോലെയാണെന്ന് അണിയറ പ്രവർത്തകർ പറയുന്നു. എത്ര വേണമെങ്കിലും ബുദ്ധിമുട്ടും. രാത്രിയും പകലും അഭിനയിക്കാൻ മടിയില്ല. എത്ര ടൈറ്റായ ആക്ഷൻ രംഗങ്ങളും നിസാരമായി കൈകാര്യം ചെയ്യും. ചെയ്യാൻ പ്രയാസം അനുഭവപ്പെടുന്ന രംഗങ്ങൾ പോലും മടി കൂടാതെ അവതരിപ്പിക്കും.

ഹൈദരാബാദിലെ രാമോജി റാവു ഫിലിം സിറ്റിക്ക് പുറമേ, എറണാകുളം പാലക്കാട്, ബനാറസ്, കൊച്ചി, ബംഗളൂരു എന്നിവിടങ്ങളാണ് പ്രധാന ലൊക്കേഷനുകൾ. ചിത്രത്തിലെ ആക്ഷൻ രംഗങ്ങൾ മനോഹരമാക്കാൻ പ്രണവ് നേരത്തേ പാർക്കൗർ പരിശീലനം നടത്തിയിരുന്നു. അക്രോബാറ്റിക് സ്വഭാവമുള്ള ശാരീരികാഭ്യാസമാണ് പാർക്കർ.

ഒന്നാമൻ എന്ന ചിത്രത്തിൽ മോഹൻലാൽ കഥപാത്രത്തിന്‍റെ ബാല്യകാലം അവതരിപ്പിച്ചാണ് പ്രണവ് അഭിനയത്തിൽ തുടക്കം കുറിച്ചത്. 2002ൽ പുനർജനി എന്ന ചിത്രത്തിലെ അഭിനയത്തിന് മികച്ച ബാലതാരത്തിനുള്ള സംസ്ഥാന അവാർഡ് സ്വന്തമാക്കിയിരുന്നു. ജീത്തു ജോസഫ് സംവിധാനം ചെയ്ത പാപനാസം, ലൈഫ് ഒഫ് ജോസൂട്ടി എന്നീ ചിത്രങ്ങളിൽ സംവിധാന സഹായിയായി പ്രണവ് പ്രവർത്തിച്ചിട്ടുണ്ട്.