പരാജയങ്ങള് മമ്മൂട്ടിയെ ബാധിക്കുന്നില്ല;കൈനിറയെ ചിത്രങ്ങള്
തുടര്ച്ചയായി ചിത്രങ്ങള് പരാജയപ്പെട്ടിട്ടും മമ്മൂട്ടിക്ക് കൈ നിറയെ ചിത്രങ്ങള്. ആറു സിനിമകളിലാണ് പുതുതായി മെഗാസ്റ്റാര് അഭിനയിക്കാന് കരാറൊപ്പിട്ടത്. നവാഗതനായ അജയ് വാസുദേവിന്റെ രാജാധിരാജ ഓണത്തിന് തിയറ്ററുകളിലെത്തും. ലക്ഷ്മി റായിയാണ് നായിക. സിബി കെ. തോമസ്ഉദയ്കൃഷ്ണ കൂട്ടുകെട്ടില് പിറക്കുന്ന തിരക്കഥ മമ്മൂട്ടിയുടെ സ്റ്റാര്ഡം ഉപയോഗിച്ച് എടുത്ത ചിത്രമാണ്. രഞ്ജിത്ത് ശങ്കര് സംവിധാനം ചെയ്യുന്ന വര്ഷമാണ് അടുത്ത ചിത്രം. മമ്മൂട്ടി തന്നെയാണ് ചിത്രം നിര്മിക്കുന്നത്.
മംമ്ത മോഹന്ദാസ് ആണ് വര്ഷത്തിലെ നായിക. സാധാരണക്കാരനായ വേണു എന്ന കഥാപാത്രത്തെയാണ് മമ്മൂട്ടി ഇതില് അവതരിപ്പിക്കുന്നത്. ആശാ ശരത്, ടി.ജി. രവി, സുനില് സുഖദ എന്നിവരാണു മറ്റു താരങ്ങള്. ജോഷിയുടെ അസോസിയേറ്റ് ആയിരുന്ന ജമാല് സംവിധാനം ചെയ്യുന്ന ചിത്രമാണ് അടുത്തത്. മിലന് ജലീല് ആണ് നിര്മാണം. നായികയെ തീരുമാനിച്ചിട്ടില്ല. മിലന്ജലീലിന്റെ പ്രയ്സ് ദ ലോര്ഡ് സാമ്പത്തിക വിജയം നേടിയ ചിത്രമാണ്.
കമല് സംവിധാനം ചെയ്യുന്ന ചിത്രമാണ് അടുത്തത്. കറുത്ത പക്ഷികള്ക്കു ശേഷം രണ്ടുപേരും ഒന്നിക്കുന്ന ചിത്രത്തിന് ആമേന്റെ തിരക്കഥ എഴുതിയ പി.എസ്. റഫീഖ് ആണ് തൂലിക ചലിപ്പിക്കുന്നത്. ഹായ് അയാം ടോണിക്കു ശേഷം ജീന് പോള് ലാല് സംവിധാനം ചെയ്യുന്ന ചിത്രത്തിലും മമ്മൂട്ടിയാണു നായകന്. അച്ഛന് ലാലും ഇതില് പ്രധാന വേഷം ചെയ്യുന്നുണ്ട്. മാര്ത്താണ്ഡന് സംവിധാനം ചെയ്യുന്ന ചിത്രമാണ് അടുത്തത്. മമ്മൂട്ടിയെ മേക്കപ്പ്മാന് ആയിരുന്ന ജോര്ജ് ആണ് നിര്മാണം. മാര്ത്താണ്ഡന്റെ ആദ്യചിത്രമായ ദൈവത്തിന്റെ സ്വന്തം ക്ലീറ്റസില് മമ്മൂട്ടിയായിരുന്നു നായകന്. ഇതിനെല്ലാം പുറമെ സിദ്ദീഖ് സംവിധാനം ചെയ്യുന്ന ചിത്രത്തിലും മമ്മൂട്ടി നായകനാകുന്നുണ്ട്. അടുത്ത വര്ഷം ആദ്യം ചിത്രീകരണം തുടങ്ങും. മമ്മൂട്ടിയെ നായകനാക്കി വേണു സംവിധാനം ചെയ്ത മുന്നറിയിപ്പ് ഉടന് തിയറ്ററിലെത്തും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha