ശ്രീദേവിയുടെയും ജയപ്രദയുടെയും കാല് നൂറ്റണ്ടത്തെ പിണക്കത്തിന് കാരണം?
ക്യാമറയ്ക്കു മുന്നില് വേര്പിരിയാന് പറ്റാത്ത ഇണക്കുരുവികള് ആയിരുന്നു ശ്രീദേവിയും നടി ജയപ്രദയും. എന്നാല് വെള്ളിത്തിരയില് ഒട്ടേറെ സിനിമകളില് ഒരുമിച്ച് അഭിനയിച്ച താരങ്ങള് പരസ്പരം ഒന്നും മിണ്ടാതെ കഴിഞ്ഞത് കാല് നൂറ്റാണ്ട്. ബോളിവുഡ് ഗോസിപ്പ് കോളങ്ങളില് ഇത് എന്നും ചൂടന് ചര്ച്ചയുമായിരുന്നു ഇവരുടെ ഇടയിലെ പ്രശ്നം. ഇരുവര്ക്കും ഇടയിലെ പ്രശ്നം ഇഗോയായിരുന്നു എന്നതു പരസ്യമായിരുന്ന രഹസ്യമാണ്.
ക്യാമറയ്ക്കു മുന്നില് ചിരിക്കുകയും കെട്ടിപ്പിടക്കുകയും ചെയ്തിരുന്ന ഇവര് ക്യാമറ ഓഫ് ചെയ്താല് മിണ്ടാറു പോലും ഇല്ലായിരുന്നു. വന്കിടപ്രോജക്ടുകള്ക്കു വേണ്ടി ഇരുവരും മത്സരിച്ചിരുന്നു. അതിനിടയില് അറിയാതെ തന്നെ ഒരു പിണക്കം രൂപപെടുകയായിരുന്നു എന്നു പറയുന്നു. ഒരിക്കല് ഇവര് തമ്മിലുള്ള പ്രശ്നം പരിഹരിക്കാന് വേണ്ടി നടന് രാജേഷ് ഖന്നയും ജീതേന്ദ്രയും ശ്രമിച്ചു.
അതിനായി ഇരുവരേയും ഒരു മുറിയില് കുറച്ചുനേരം പൂട്ടിയിട്ടു. എന്നാല് ഒരുമണിക്കൂറിനു ശേഷം വാതില് തുറന്നപ്പോള് ഇവര് തമ്മില് സംസാരിക്കാതെ എതിര് ദിശകളില് നോക്കി ഇരിക്കുകയായിരുന്നു എന്നു പറയുന്നു. എന്നാല് അവസാനം അമര് സിങ് നടത്തിയ പാര്ട്ടിക്കിടയില് വച്ച് ഇരുവരും ശീതയുദ്ധം അവസാനിപ്പിക്കുകയായിരുന്നു.
https://www.facebook.com/Malayalivartha
