കഴിഞ്ഞ ദിവസം ദുബായിയില്‍ വച്ച് അന്തരിച്ച നടി ശ്രീദേവിയുടെ മൃതദേഹവുമായി സ്വകാര്യ വിമാനം രണ്ടു മണിക്ക് ദുബായില്‍ നിന്നു യാത്രതിരിക്കും. നടപടി ക്രമങ്ങള്‍ ഒരു മണിക്ക് ശേഷം പൂര്‍ത്തിയാക്കുമെന്ന് ഇന്ത്യന്‍ കോണ്‍സുലൈറ്റ് അറിയിച്ചു. അതേ സമയം ലോകം മുഴുവന്‍ ആ ഇതിഹാസതാരത്തിന്റെ മരണത്തിന്റെ ഞെട്ടലിലാണ്. ശ്രീദേവിയുണ്ടെങ്കില്‍ അതൊരു ശ്രീദേവി സിനിമയാണ്. ആ സിനിമകളുടെയെല്ലാം കേന്ദ്രകഥാപാത്രമായി മാറുന്നതും താരം തന്നെയാണ്.

സ്വകാര്യ ജീവിതത്തിലും ഒരു അഭൗമ വ്യക്തിത്വത്തിനുടമയായിരുന്നു അവര്‍. വീട് ഭംഗിയായി ഒരുക്കി വയ്ക്കുന്നതില്‍ അതീവ ശ്രദ്ധ. താരറാണിയായി തിളങ്ങുമ്പോഴും അടുക്കും ചിട്ടയുമുള്ള വീട്ടമ്മ. എപ്പോഴുമിഷ്ടം വെളുപ്പിനോട്. വെള്ളവസ്ത്രങ്ങളെയും വെള്ളപ്പൂക്കളെയും ശ്രീദേവി ഏറെ ഇഷ്ടപ്പെട്ടിരുന്നു. തന്റെ അന്ത്യയാത്ര തൂവെണ്‍മയുടെ അകമ്പടിയോടെയാകണമെന്ന് ശ്രീദേവി ആഗ്രഹം പ്രകടിപ്പിച്ചിരുന്നു. ഈ അന്ത്യാഭിലാഷം നിറവേറ്റാനുള്ള അവസാനവട്ട ഒരുക്കത്തിലാണ് കുടുംബം. തൂവെള്ള പൂക്കള്‍ കൊണ്ട് പൊതുദര്‍ശന വേദിയും ശവമഞ്ചവുമെല്ലാം അലങ്കരിക്കാനൊരുങ്ങുകയാണ്