മദ്യപിക്കുന്ന ശീലം ശ്രീദേവിക്കില്ല... പിന്നെങ്ങനെ ശ്രീദേവിയുടെ രക്തത്തില് മദ്യത്തിന്റെ അംശം കണ്ടെത്തി; ശ്രീദേവിയുടെ മരണം കൊലപാതകമെന്ന് ഉറപ്പിച്ച് ബിജെപി നേതാവ് സുബ്രമണ്യന് സ്വാമി...
ശ്രീദേവിയുടെ മരണം കൊലപാതകമെന്ന് ആരോപണവുമായി ബിജെപി നേതാവ് സുബ്രമണ്യന് സ്വാമി രംഗത്ത്. ശ്രീദേവിക്ക് മദ്യപിക്കുന്ന ശീലമില്ലെന്നും അങ്ങനെയുള്ള ശ്രീദേവിയുടെ രക്തത്തില് മദ്യത്തിന്റെ അംശം എങ്ങനെ കണ്ടെത്തിയെന്നുമാണ് സ്വാമിയുടെ ചോദ്യം. ഇത് ദുരൂഹമാണെന്നാണ് സ്വാമി പറയുന്നത്. മാത്രമല്ല ശ്രീദേവി താമസിച്ചിരുന്ന ഹോട്ടലിലെ സിസിടിവി ദൃശ്യങ്ങള്ക്ക് എന്തുസംഭവിച്ചെന്നും സ്വാമി ചോദിക്കുന്നു. സിസിടിവി ക്യാമറകള് വര്ക്ക് ചെയ്യുന്നില്ലായിരുന്നെങ്കില് അതിന്റെ കാരണം എന്താണെന്ന് അന്വേഷിക്കണമെന്നും അദ്ദേഹം ആവശ്യപ്പെട്ടു.
പ്രമുഖ ദേശീയ വാര്ത്താ എജന്സിയായ എഎന്ഐയോടായിരുന്നു സ്വാമിയുടെ പ്രതികരണം. കുപ്രസിദ്ധ ക്രിമിനലായ ദാവൂദ് ഇബ്രാഹിമിന് സംഭവങ്ങളുമായി എന്തെങ്കിലും ബന്ധമുണ്ടോയെന്ന് അന്വേഷിക്കണമെന്നും അദ്ദേഹം ആവശ്യപ്പെട്ടു.
കൊലപാതകമാണെന്ന് സ്വാഭാവികമായി സംശയം ജനിക്കാവുന്ന കാര്യമാണിതെന്നും അദ്ദേഹം ചൂണ്ടികാട്ടി. അതേസമയം ശ്രീദേവിയുടെ തലയില് ആഴത്തിലുള്ള മുറിവുണ്ടെന്ന് ഫോറന്സിക് റിപ്പോര്ട്ടില് പറയുന്നതായി വാര്ത്തകള് പുറത്തുവന്നിട്ടുണ്ട്.
https://www.facebook.com/Malayalivartha