കുടുംബസുഹൃത്തായ മോഹിത് മര്‍വെയുടെ വിവാഹത്തില്‍ പങ്കെടുക്കുന്നതിന് വേണ്ടിയാണ് ശ്രീദേവി ദുബായിലേക്ക് പോയത്. ബോണി കപൂറും ഖുഷി കപൂറും താരത്തിനൊപ്പമുണ്ടായിരുന്നു. സോഷ്യല്‍ മീഡിയയില്‍ ഏറെ സജീവമായ ശ്രീദേവി വിവാഹത്തിനിടയിലെ ചിത്രങ്ങള്‍ ഇന്‍സ്റ്റഗ്രാമില്‍ പോസ്റ്റ് ചെയ്തിരുന്നു. വിവാഹത്തിനിടയിലെ ചിത്രങ്ങള്‍ സോഷ്യല്‍ മീഡിയയിലൂടെ പ്രചരിച്ചിരുന്നു.

വിവാഹ ചടങ്ങുകള്‍ക്ക് ശേഷം സഹോദരിക്കൊപ്പം കൂടുതല്‍ സമയം ചെലവഴിക്കുന്നതിന് വേണ്ടിയാണ് ശ്രീദേവി ദുബായില്‍ തുടര്‍ന്നത്. വിവാഹത്തിന് ശേഷമുള്ള വിരുന്നില്‍ പങ്കെടുക്കുന്നതിന് മുന്‍പ് താരത്തെ വിളിക്കാന്‍ പോയപ്പോഴാണ് അബോധാവസ്ഥയില്‍ ബാത്ത് ടബ്ബില്‍ വീണ് കിടക്കുന്നത് കണ്ടതെന്ന് ഹോട്ടല്‍ ജീവനക്കാരന്‍ മൊഴി നല്‍കിയിരുന്നു. ഹൃദയാഘാതത്തെ തുടര്‍ന്നാണ് താരം മരണപ്പെട്ടത്. ശ്രീദേവിയുടെ മരണവുമായി ബന്ധപ്പെട്ട് നിരവദഇ തരത്തിലുള്ള അഭ്യൂഹങ്ങള്‍ പ്രചരിച്ചിരുന്നു. എല്ലാത്തിനും വിരാമമിട്ടാണ് ദുബായിലെ നടപടികള്‍ പൂര്‍ത്തിയാക്കിയത്.

ദുബായ് സന്ദര്‍ശനത്തിനിടയില്‍ അപ്രതീക്ഷിതമായാണ് ആ വാര്‍ത്ത ആരാധകരെ തേടിയെത്തിയത്. സിനിമാലോകത്തെയും താകരുടുംബത്തെയും ഒന്നടങ്കം വേദനിപ്പിച്ചാണ് ശ്രീദേവി യാത്രയായത്. ദുബായിലെ വിവാഹ വേദിയിലും ശ്രീദേവിക്ക് ഒപ്പമുണ്ടായിരുന്ന താരത്തിന്റെ മേക്ക് അപ്പ് മാൻ സുഭാഷ് ഷിൻഡേ ശ്രീദേവിയെ കുറിച്ച് തുറന്നു പറയുകാണ്. ദുബായിൽ നടന്ന വിവാഹ ചടങ്ങിലും ശ്രീദേവി മാമിനു മെയ്ക്അപ്പ് ഇട്ടത് ഞാനാണ് . ഇപ്പോളും ആ മരണം വിശ്വസിക്കാനാകുന്നില്ല.. കൂടെ പ്രവർത്തിച്ചവരെ എല്ലാം ശ്രീദേവി കണ്ടിരുന്നത് സ്വന്തം കുടുംബത്തിലെ അംഗത്തെ പോലെയായിരുന്നെന്നും സുഭാഷ് പറയുന്നു.

ശ്രീദേവി മാമിന്റെ മരണം ഇപ്പോഴും വിശ്വസിക്കാനാവുന്നില്ല. വിവാഹ വേദിയിലും അവർക്കൊപ്പം ഞാനുണ്ടായിരുന്നു. ദുബായിൽ നിന്ന് വിവാഹം കഴിഞ്ഞ് മടങ്ങി രണ്ടാമത്തെ ദിവസമാണ് മരണ വാർത്ത കേൾക്കുന്നത്. ആ വാർത്ത കേട്ട് ഞെട്ടിപ്പോയതായും സുഭാഷ് പറയുന്നു. വിവാഹ വേദിയിലും വളരെ സന്തോഷവതിയും സുന്ദരിയും ആരോഗ്യവതിയുമായിരുന്നു ശ്രീദേവി. മണിക്കൂറുകൾ മേക്ക് അപ്പിനു വേണ്ടി ചെലവിടുന്ന അവർ തന്റെ സൗന്ദര്യത്തെ കുറിച്ച് എപ്പോഴും ശ്രദ്ധ ചിലത്താറുണ്ടായിരുന്നതായും സുഭാഷ് ഷിൻഡേ പറയുന്നു.