പൃഥ്വിയുടെ ഗാരേജിലേക്ക് പുതിയ അതിഥിയെത്തി
മലയാളത്തിന്റെ സൂപ്പർതാരം പൃഥ്വിരാജ് തന്റെ സ്വപ്ന വാഹനമായ ലംബോർഗിനി ഹുറാകാൻ സ്വന്തമാക്കിയിരിക്കുകയാണ്. ഇറ്റാലിയൻ സൂപ്പർകാർ നിർമ്മാതാക്കളായ ലംബോർഗിനിയുടെ ഹുറാകാൻ LP580-2 സൂപ്പർകാർ ആണ് താരം സ്വന്തമാക്കിയിരിക്കുന്നത്. കാളിയൻ എന്ന ചിത്രത്തിന്റെ ഫസ്റ്റ് ലുക്ക് പുറത്തിറങ്ങിയ ദിവസം തന്നെ ഇഷ്ട വാഹനം സ്വന്തമാക്കാൻ കഴിഞ്ഞ സന്തോഷത്തിലാണ് പൃഥ്വി. സൂപ്പർകാർ സ്വന്തമാക്കിയ വിവരം താരം തന്നെയാണ് ഇൻസ്റ്റാഗ്രാമിലൂടെ ആരാധകരുമായി പങ്കുവെച്ചത്.
ഒരു മാസം മുമ്പ് ബുക്കുചെയ്ത കാര് താരത്തിന് ഇപ്പോഴാണ് ലഭിച്ചത്. ഇപ്പോള് ബാറ്റ്മാന് സിനിമയിലെ ബ്രൂസ് വെയിനെ പോലെയായി എന്നാണ് ലംബോര്ഗിനി സ്വന്തമാക്കിയ സന്തോഷം പങ്കുവെച്ച് താരം ആരാധകരെ അറിയിച്ചത്. 572 ബിഎച്ച്പി കരുത്തേകുന്ന 5.2 ലിറ്റർ നാച്ചുറലി ആസ്പിരേറ്റഡ് V10 എൻജിനാണ് ഹുറാകാന് കരുത്തേകുന്നത്. 7 സ്പീഡ് ഡ്യൂവൽ ക്ലച്ച് ഓട്ടോമാറ്റിക് ട്രാൻസ്മിഷനും എൻജിനിൽ ഇടംതേടിയിട്ടുണ്ട്. വ്യത്യസ്ത ട്യൂണിങ് നിലവാരത്തിലുള്ളതെങ്കിലും ഒരേ എന്ജിനോടെയാണു ലംബോര്ഗ്നി 'ഹുറാകാന്' വകഭേദങ്ങളെല്ലാം വില്പ്പനയ്ക്കെത്തിക്കുന്നത്; 5.2 ലീറ്റര്, നാച്ചുറലി ആസ്പിരേറ്റഡ് വി 10 എന്ജിനാണ് ഈ കാറുകള്ക്കു കരുത്തേകുന്നത്.
ലംബോർഗിനി നിരയിലെ ബജറ്റ് സൂപ്പർകാർ കൂടിയാണ് ഹുറാകാൻ LP580-2. കേവലം 3.4 സെക്കന്ഡുകൾ കൊണ്ടാണ് പൂജ്യത്തിൽ നിന്നും 100 കിലോമീറ്റർ വേഗത കൈവരിക്കുന്നത്. മണിക്കൂറിൽ 320 കിലോമീറ്ററാണ് പരമാവധി വേഗത. ഇന്ത്യൻ റോഡിന് അനുയോജ്യമായ ഫ്രണ്ട് ലിഫ്റ്റ് ഓപ്ഷനോടെയാണ് താരം ഈ സൂപ്പർകാർ സ്വന്തമാക്കിയിരിക്കുന്നത്.
https://www.facebook.com/Malayalivartha