അമ്മയ്‌ക്കൊപ്പമുള്ള അവസാനയാത്രയില്‍ കണ്ണീരടക്കാനാവാതെ വിങ്ങിപ്പൊട്ടിയായിരുന്നു മകള്‍ ജാന്‍വി നിന്നത്. അഴകിന്റെ റാണി ശ്രീദേവി തന്റെ മക്കള്‍ക്കു മികച്ചൊരു അമ്മയായിരുന്നു. അതുകൊണ്ടു തന്നെ തന്റെ പ്രിയപ്പെട്ട അമ്മയുടെ വിയോഗം മക്കളായ ജാന്‍വിക്കും ഖുഷിക്കും താങ്ങാന്‍ കഴിയുന്നതിലുമപ്പുറമായിരുന്നു. അമ്മയുടെ അന്ത്യയാത്രയില്‍ ജാന്‍വിയും ഖുഷിയും ഒപ്പം തന്നെയുണ്ടായിരുന്നു. ജാന്‍വിയെ ആശ്വസിപ്പിക്കാന്‍ ബോണികപൂര്‍ നന്നേ പാടുപെട്ടു.

ഇടയ്ക്കിടയ്ക്കു ചേര്‍ത്തു പിടിച്ചു ബോണി ജാന്‍വിയെ ആശ്വസിപ്പിക്കുന്നുണ്ടായിരുന്നു. എങ്കിലും വിങ്ങിപ്പൊട്ടിയ അവസ്ഥയിലായിരുന്നു ജാന്‍വി. അമ്മയ്ക്ക് ഒപ്പമുള്ള ഒരു പഴയകാല ചിത്രം പങ്കുവച്ച് അമ്മയ്ക്കു നിത്യശാന്തിയും നേര്‍ന്നു ജാന്‍വി. കാഞ്ചിപുരും പട്ടുസാരിയുടുപ്പിച്ച് ആഭരണങ്ങള്‍ അണിയിച്ചാണു ശ്രീദേവിയുടെ ശരീരം പൊതുദര്‍ശനത്തിനു വച്ചത്.