സിനിമയിൽ നിന്ന് മാറി നിൽക്കാൻ ഒരുങ്ങി ദിലീപ്... കൊച്ചിയിൽ നടി ആക്രമിക്കപ്പെട്ട കേസ് നിര്ണ്ണായക ഘട്ടത്തിലേക്ക് എത്തുമ്പോൾ ഷൂട്ടിങിലിരിക്കുന്ന സിനിമകളുള്പ്പെടെ മാറ്റിവെച്ച് താരം...
കൊച്ചിയിൽ നടി ആക്രമിക്കപ്പെട്ട കേസ് നിര്ണ്ണായക ഘട്ടത്തിലേക്ക് എത്തുമ്പോൾ സിനിമയില് നിന്ന് ഇടക്കാലത്തേയ്ക്ക് വിട പറയാനൊരുങ്ങി ദിലീപ്. കേസില് കുറ്റപത്രം സമര്പ്പിച്ച സാഹചര്യത്തില് ഷൂട്ടിങിലിരിക്കുന്ന സിനിമകളുള്പ്പെടെ മാറ്റി വെച്ച് ദിലീപ് മാറി നില്ക്കുമെന്നാണ് സൂചന.
കമ്മാരസംഭവം എന്ന പുതിയ ചിത്രത്തിന്റെ ചിത്രീകരണം അവസാന ഘട്ടത്തിലാണ്. ഇതിനു ശേഷം ഛായാഗ്രഹകന് രാമചന്ദ്രബാബു സംവിധാനം ചെയ്യുന്ന പ്രഫസര് ഡിങ്കനില് ജോയിന് ചെയ്യാനിരിക്കുകയായിരുന്നു എന്നാല് ഇത് മാറ്റി വെച്ചു.
ആദ്യ ഘട്ട ചിത്രീകരണം പൂര്ത്തിയായ ചിത്രത്തിന്റെ രണ്ടാം ഘട്ടം ഉടനെയുണ്ടാവില്ല. നടി ആക്രമിക്കപ്പെട്ട കേസില് ജയിലില് കഴിഞ്ഞ ശേഷം രാമലീലയുടെ വന് വിജയത്തോടെയാണ് ദിലീപ് എത്തിയത്.
ഇതിനു ശേഷമാണ് കമ്മാര സംഭവം പൂര്ത്തിയാക്കിയത്. കേസിന്റെ വിചാരണ നടപടികള് ഈ മാസം പതിനാലിനു തുടങ്ങും. കോടതിയില് ഹാജരാകാന് നിര്ദേശിച്ചു നടന് ദിലീപുള്പ്പെടെ എല്ലാ പ്രതികള്ക്കും സമന്സ് അയച്ചു. എറണാകുളം പ്രിന്സിപ്പല് സെഷന്സ് കോടതിയിലാണു വിചാരണ.
അങ്കമാലി മജിസ്ട്രേറ്റ് കോടതിയില് നിന്നാണു കേസ് വിചാരണക്കായി പ്രിന്സിപ്പല് സെഷന്സ് കോടതിയിലേക്കു മാറ്റിയത്. അതുകൊണ്ട് തന്നെ സിനിമാ അഭിനയം പ്രതിസന്ധിയുണ്ടാക്കും. ഡിങ്കന്റെ ഷൂട്ടിങ് ദുബായിലും നടത്തേണ്ടതുണ്ട്. ഈ സാഹചര്യത്തില് കൊച്ചിയില് നിന്ന് വിട്ടുനില്ക്കാന് കോടതിയെ സമീപിക്കണം. കോടതി അനുവദിക്കാത്ത സാഹചര്യം വിചാരണയെ പോലും പ്രതികൂലമായി ബാധിക്കും. അതുകൊണ്ടാണ് തല്കാലത്തേക്ക് ദിലീപ് അഭിനയത്തില് നിന്നും വിട്ടു നില്ക്കുന്നത്.
https://www.facebook.com/Malayalivartha