സ്ത്രീ വിരുദ്ധ സമീപനം മലയാള സിനിമയില്‍ യാഥാര്‍ത്ഥ്യമാണെന്ന് സംവിധായകന്‍ കമല്‍ പറയുന്നു. എന്നാല്‍ നടിയെ ആക്രമിച്ച സംഭവത്തിന് ശേഷം പൊതുവേ ചില നല്ല രൂപത്തിലുള്ള മാറ്റങ്ങള്‍ ദൃശ്യമായിട്ടുണ്ടെന്നും അദ്ദേഹം പറഞ്ഞു.

ചിലരെ മാറ്റി നിര്‍ത്തുന്ന രീതി നേരത്തെ സിനിമാ മേഖലയില്‍ വലിയ തോതില്‍ തന്നെ ഉണ്ടായിരുന്നു. എന്നാല്‍ ഇപ്പോള്‍ എല്ലാവരെയും വേണ്ടതാണെന്ന തോന്നലാണുള്ളതെന്നും അദ്ദേഹം പറഞ്ഞു. സിനിമ മേഖലയില്‍ വിലക്കില്ല.

എന്നാല്‍ സംഘടനാപരമായ പ്രശ്‌നങ്ങളെ തുടര്‍ന്നുള്ള മാറ്റിനിര്‍ത്തലുകള്‍ ഉണ്ടെന്ന് കമല്‍ പറഞ്ഞു. സംഘടനയുടെ ചട്ടക്കൂടില്‍ നില്‍ക്കാത്തവര്‍ക്കെതിരെ അച്ചടക്ക നടപടി സ്വീകരിക്കുന്നത് എല്ലാ സംഘടനകളിലും ഉണ്ട്.