ലോകത്തെമ്പാടും സ്ത്രീകള്‍ നേരിടുന്ന മോശം അനുഭവങ്ങള്‍ തുറന്ന് പറയുന്ന കാലമാണ്. ഇപ്പോഴിതാ നടിയും ഗായികയുമായ ജെന്നിഫര്‍ ലോപ്പസ് ഇത്തരമൊരു വെളിപ്പെടുത്തലുമായി എത്തുന്നു. കരിയറിന്റെ തുടക്കത്തില്‍ തനിക്ക് നേരിട്ട അനുഭവമാണ് അവര്‍ വിവരിക്കുന്നത്. ഹോളിവുഡിലെ പ്രശസ്ത നടിയും ഗായികയുമായ ജെന്നിഫര്‍ ലോപ്പസ് തന്റെ ശരീരം തുറന്നുകാട്ടാന്‍ ഓഡിഷന് ഇടയില്‍ ആവശ്യപ്പെട്ട സംഭവമാണ് തുറന്നുപറയുന്നത്.

കരിയറിന്റെ തുടക്ക കാലത്ത് ഓഡീഷന് ചെന്ന തന്നോട് സംവിധായകന്‍ മേല്‍വസ്ത്രം ഊരിമാറ്റാന്‍ ആവശ്യപ്പെട്ടുവെന്നാണ് ജെന്നിഫര്‍ ആരോപിക്കുന്നത്. മറ്റു സ്ത്രീകള്‍ നേരിട്ട പോലെ എന്റെ മേല്‍ അവര്‍ കൈവച്ചില്ലെന്നു മാത്രം. പക്ഷേ, എന്നെ ശരിക്കും ആ അനുഭവം ഭയപ്പെടുത്തി. ഒരു ഓഡിഷന് ചെന്നതായിരുന്നു ഞാന്‍.

അവര്‍ക്ക് മുന്നില്‍ എത്തിയ സമയത്ത് എന്റെ മേല്‍വസ്ത്രമൂരാനും മാറിടം കാണിക്കാനും ഒരു സംവിധായകന്‍ എന്നോട് ആവശ്യപ്പെടുകയായിരുന്നു. എന്തു ചെയ്യണമെന്ന് അറിയാതെ ഞാന്‍ അമ്പരന്നു നിന്നു. പക്ഷെ ഞാന്‍ അത് ചെയ്തില്ല. സംസാരിച്ചപ്പോള്‍ എനിക്ക് ഭയമായിരുന്നു. ഞാന്‍ എന്ത് ചെയ്തുവെന്നാലോചിച്ചു എന്റെ നെഞ്ച് പൊട്ടുന്നത്രയും ഉച്ചത്തില്‍ എന്റെ ഹൃദയമിടിച്ചത് ഞാന്‍ ഇന്നും ഒര്‍മ്മിക്കുന്നു. ആ മനുഷ്യന്‍ എന്നെ കൂലിക്കെടുക്കാന്‍ ശ്രമിക്കുന്നു.

അതെന്റെ ആദ്യ ചിത്രങ്ങളിലൊന്നായിരുന്നു . പക്ഷെ എന്റെ മനസ്സില്‍ ആ പെരുമാറ്റം ശരിയല്ലെന്ന് എനിക്ക് അറിയാമായിരുന്നു. എനിക്കെന്ത് മാര്‍ഗം വേണമെങ്കിലും ആകാമായിരുന്നു. എന്നാല്‍ ഇത് ഞാന്‍ ചെയ്യില്ലെന്ന് തന്നെ ഒടുവില്‍ ഞാന്‍ തീരുമാനിച്ചു.