തന്റെ ജീവിതത്തിൽ സംഭവിച്ച പ്രണയപരാജയങ്ങളെപ്പറ്റി മനസ്സു തുറന്ന് ബോളിവുഡിന്റെ വിവാദ താരസുന്ദരി കങ്കണ റണാവത്. ’16 വയസ്സുമുതല്‍ ഇപ്പോള്‍ 31 വയസ്സു വരെ ധാരാളം പ്രണയങ്ങളിലൂടെ കടന്നു പോയ ഒരാളാണ് ഞാന്‍. അവരെയെല്ലാം ഞാന്‍ സ്‌നേഹിച്ചത് ആത്മാര്‍ഥമായിട്ടായിരുന്നു.

എന്നാല്‍ ഓരോ തവണയും ഞാന്‍ ഉപേക്ഷിക്കപ്പെട്ടു. പ്രണയം തകരുന്ന സമയത്ത് ഇതെന്റെ പ്രണയ ജീവിതത്തിന്റെ അവസാനമാണെന്ന് ഞാന്‍ കരുതും. പ്രണയം ശാരീരികമായ ഒരു കാര്യം മാത്രമല്ല അതിന് ആത്മീയമായ ഒരു വശം കൂടിയുണ്ട്. ഒരിക്കല്‍ പോലും പ്രണയിക്കുന്നയാളെ ഉപേക്ഷിക്കാന്‍ എനിക്ക് സാധിച്ചിട്ടില്ല. എന്നാല്‍ അവരെല്ലാം എന്നെ ഉപേക്ഷിച്ചു പോയി. കങ്കണ പറഞ്ഞു. ഹൃത്വിക് റോഷനുമായുണ്ടായിരുന്ന ബന്ധത്തെപ്പറ്റിയും കങ്കണ വെളിപ്പെടുത്തി.