കാവ്യ ഇത്രയും നാള്‍ എവിടെയായിരുന്നു?
കാവ്യാമാധവന്‍ ആര്‍ക്കുവേണ്ടിയാണ്‌ കാത്തിരിക്കുന്നത്‌ ? സിനിമയില്‍ നിന്നും മാസങ്ങളോളം മാറിനിന്നതെന്തിന്‌? ഉത്തരം തൃപ്‌തികരമല്ലെങ്കിലും കാവ്യ ആദ്യമായി മനസ്സു തുറക്കുന്നു. താന്‍ കാത്തിരുന്നത്‌ വ്യത്യസ്‌തമായ ഒരവസരത്തിനു വേണ്ടിയാണ്‌. അമല്‍ നീരദിന്റെ അഞ്ചു സുന്ദരികളിലാണ്‌ കാവ്യ അവസാനം അഭിനയിച്ചത്‌. ഇതിനിടയില്‍ കാവ്യയെ കുറിച്ച്‌ ഒന്നും കേള്‍ക്കാതായി.
സിനിമയോടുള്ള കമ്പമാണ്‌ കാവ്യയെ വിവാഹജീവിതത്തില്‍ നിന്നു പോലും പിന്തിരിപ്പിച്ചത്‌. ചെറുപ്രായത്തില്‍ തന്നെ സിനിമയിലെത്തിയ കാവ്യയെ സംബന്ധിച്ച്‌ സിനിമ ജീവവായുവാണ്‌.
സുധീഷ്‌ ബാബുവിന്റെ ചിത്രത്തിലാണ്‌ കാവ്യ ഒരിടവേളക്ക്‌ ശേഷം അഭിനയിക്കുന്നത്‌. ലാസ്റ്റ്‌ ബെല്‍ എന്നാണ്‌ ചിത്രത്തിന്റെ പേര്‌. പൂട്ടാന്‍ പോകുന്ന സ്‌കൂളിലെ അധ്യാപികയുടെ വേഷമാണ്‌ കാവ്യ അവതരിപ്പിക്കുന്നത്‌. നേരത്തെയും അധ്യാപികയുടെ റോളില്‍ അഭിനയിച്ചിട്ടുണ്ടെങ്കിലും ഇത്ര വ്യത്യസ്‌തമായ ഒരു കഥാപാത്രം ഇതാദ്യമാണെന്നാണ്‌ കാവ്യയുടെ അഭിപ്രായം. ഒരു മലയാളം മീഡിയം സര്‍ക്കാര്‍ സ്‌കൂളിന്റെ കഥയാണ്‌ സുനീഷ്‌ ബാബു പറയുന്നത്‌.
ചിത്രം ബൗന്ധീകമാണെന്നും കാവ്യ പറയുന്നു. ഒരു തീയേറ്റര്‍ വിജയം പ്രതീക്ഷിക്കുന്നില്ലെന്നാണ്‌ കാവ്യയുടെ കുടുംബാംഗങ്ങളും പറയുന്നത്‌. ചിലപ്പോള്‍ ഒരു തീയേറ്റര്‍ റിലീസ്‌ ഉണ്ടാകണമെന്നില്ല. ജനുവരിയിലാണ്‌ സിനിമയുടെ ചിത്രീകരണം ആരംഭിക്കുന്നത്‌. മേലില്‍ താന്‍ വിഷയം നോക്കി മാത്രമേ അഭിനയിക്കുകയുള്ളൂവെന്നും കാവ്യ പറയുന്നു. സിനിമയുടെ എണ്ണം കൂട്ടുന്നതില്‍ കാര്യമില്ലെന്നും കാവ്യ പറയുന്നു. അങ്ങനെ ചെയ്യാനാണെങ്കില്‍ എത്ര സിനിമ വേണമെങ്കിലും അഭിനയിക്കാം. പന്നിപെറും പോലെ അഭിനയിച്ചിട്ട്‌ കാര്യമില്ലെന്നും കാവ്യ പറയുന്നു. വര്‍ഷത്തില്‍ മൂന്ന്‌ ചിത്രത്തിലധികം അഭിനയിക്കുന്നതില്‍ അര്‍ത്ഥമില്ലെന്നും കാവ്യ പറയുന്നു.
ഒരുപക്ഷേ മഞ്ചുവാര്യരുടെ ഹൗ ഓള്‍ഡ്‌ ആര്‍ യു ആയിരിക്കാം കാവ്യക്ക്‌ പ്രചോദനമായത്‌. സാമൂഹിക പ്രതിബദ്ധതയുള്ള വിഷയങ്ങള്‍ സാമ്പത്തികമായും സാമൂഹികമായും വിജയിക്കുമെന്നതിന്റെ ഉദാഹരണമാണ്‌ മഞ്ചുവിന്റെ ചിത്രം. ഇതേ വഴിയാണ്‌ മലയാളത്തിലെ പഴയ നടിമാര്‍ തിരഞ്ഞെടുക്കാന്‍ മോഹിക്കുന്നത്‌. ഇതിനിടെ കാവ്യാമാധവനെ കുറിച്ച്‌ വന്ന ചില വാര്‍ത്തകള്‍ വിവാദമായി മാറിയിരുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
