മലയാളി മനസുകളുടെ മനം കവർന്ന ശാലിനിയുടെയും അജിത്തിന്റെയും ദാമ്പത്യ ജീവിതത്തെക്കുറിച്ച് പറഞ്ഞ് ശാലിനിയുടെ സഹോദരി ശ്യാമിലി. തമിഴ് നടൻ അജിത്തുമായി പ്രണയത്തിലാവുകയും വിവാഹം ചെയ്യുകയുമായിരുന്നു ശാലിനി. ശാലിനിയുടെ അജിത്തിന്റെയും പ്രണയത്തില്‍ പ്രധാന പങ്കുവഹിച്ചത് ശ്യാമിലിയാണത്രെ. ശാലിനിക്ക് അജിത്ത് പൂക്കള്‍ അയക്കുമായിരുന്നു. അത് കൃത്യമായി വീട്ടില്‍ എത്തിക്കുന്നത് ശ്യാമിലിയായിരുന്നുവെന്നും.

അജിത്തിന് ഒരു സാധനം എടുത്താല്‍ അത് അവിടെ തന്നെ വയ്ക്കണം. കര്‍ശന നിലപാടുള്ള വ്യക്തിയല്ല, എന്നാല്‍ വൃത്തി അത്യാവശ്യമാണെന്ന് കരുതുന്നയാളാണ്.ചെറുപ്പത്തില്‍ ചേച്ചി എനിക്ക് നിറയെ സമ്മാനങ്ങള്‍ തന്നിട്ടുണ്ട്. പിറന്നാളിന് സ്‌പെഷല്‍ സമ്മാനങ്ങള്‍ നല്‍കുമായിരുന്നു. പക്ഷേ ഞാന്‍ ഒന്നും കൊടുത്തിട്ടില്ല. ഷോപ്പിങിന് പോകുമ്പോള്‍ അവള്‍ക്കും ചേര്‍ത്ത് ഡ്രസ് എടുക്കാറുണ്ട്,ശ്യാമിലി പറഞ്ഞു.

അദ്ദേഹം വളരെ നല്ല മനുഷ്യനാണെന്നുമാണ് ശ്യാമിലി പറയുന്നത്. അവരുടെ ബന്ധത്തില്‍ നിന്ന് നമുക്ക് പഠിക്കാനുള്ളത് സ്വാതന്ത്ര്യമാണ്. രണ്ടുപേര്‍ക്കുമിടയില്‍ സ്വാതന്ത്ര്യം കൂടുതലാണ്. പാട്നറിന് സ്വാതന്ത്ര്യം നല്‍കിയാല്‍ ആ ബന്ധം കൂളായി പോകുമെന്നാണ് കരുതുന്നത്.

ബൈക്ക് റേസിങ്, ഫോട്ടോഗ്രാഫി, പാചകം എന്നിവയിലാണ് അദ്ദേഹത്തിന് കൂടുതല്‍ താല്‍പര്യം. നല്ല തീരുമാനങ്ങള്‍ എടുക്കുന്നതില്‍ എന്റെ ചേച്ചിയാണ് നല്ലത്. എന്തൊക്കെ ചെയ്യണം, എങ്ങനെ ചെയ്യണം എന്നൊക്കെ അവള്‍ക്ക് ഐഡിയ ഉണ്ട്. വീട്ടിലെ തമാശക്കാരിയും അവള്‍ തന്നെയാണ്.