നീണ്ടനാൾ പ്രണയത്തിലായിരുന്ന നടി ശ്വേത ബസു പ്രസാദിന്റെയും ഡോക്യുമെന്ററി സംവിധായകനായ രോഹിത് മിറ്റാലിന്റെയും വിവാഹനിശ്ചയം കഴിഞ്ഞു. കഴിഞ്ഞ വർഷം ഗോവയിൽ വച്ച് ഇരുവരുടെയും വിവാഹനിശ്ചയം നടത്തിയിരുന്നെന്ന് ഇവരുമായി അടുത്ത വൃത്തങ്ങൾ പറഞ്ഞു. അടുത്ത ബന്ധുക്കളുടെയും സുഹൃത്തുക്കളുടെയും സാനിധ്യത്തിലായിരുന്നു വിവാഹ നിശ്ചയം.

രോഹിതുമായുള്ള പ്രണയം രണ്ടുവർഷം മുമ്പ് ശ്വേതതന്നെയാണ് തുറന്നുപറഞ്ഞത്. രോഹിത്തുമായി കടുത്ത പ്രണയത്തിലാണെന്നും സന്തുഷ്ടമായ ജീവിതമാണ് നയിക്കുന്നതെന്നുമായിരുന്നു ശ്വേതയുടെ വെളിപ്പെടുത്തൽ . എന്നാൽ വിവാഹത്തെകുറിച്ച് ഇപ്പോൽ ചിന്തിക്കുന്നില്ലെന്നായിരുന്നു അന്ന് നടി ആരാധകരോട് പറഞ്ഞത്.

സെക്സ് റാക്കറ്റിന്റെ പേരിൽ റെയ്ഡിൽ പിടിക്കപ്പെട്ട് വാർത്തകളിൽ നിറഞ്ഞ നടി കുടുംബം പുലർത്താനാണ് താൻ വേശ്യാവൃത്തി സ്വീകരിച്ചതെന്ന് തുറന്നു പറഞ്ഞതും മുമ്പ് ചർച്ചയായിരുന്നു. മികച്ച ബാലതാരത്തിനുള്ള ദേശീയ അവാർഡ് വരെ സ്വന്തമാക്കിയ നടിയാണ് ശ്വേത.

ശ്രീകാന്ത് സംവിധാനം ചെയ്ത കോത ബങ്കരു ലോകം എന്ന തെലുങ്ക് ചിത്രത്തിലൂടെ ഏറെ ശ്രദ്ധിക്കപ്പെട്ട നടിക്ക് കേരളത്തിലും ധാരാളം ആരാധകർ ഉണ്ട്. കഴിഞ്ഞ വർഷം പുറത്തിറങ്ങിയ ആലിയ ഭട്ട്-വരുൺ ധവാൻ ചിത്രം ബദ്രീനാഥ് കി ദുൽഹനിയആണ് ശ്വേത അവസാനമായി അഭിനയിച്ച ചിത്രം.