അരവിന്ദ സ്വാമിക്കൊപ്പം അതീവ ഗ്ലാമറസ് വേഷത്തില് അമലാ പോള്...
അരവിന്ദ സ്വാമി നായകനായ ചിത്രത്തില് ഗ്ലാമറസ്സായി നടി അമല പോള്. മെഗാസ്റ്റാര് മമ്മൂട്ടി നായകനായ ഭാസ്ക്കര് ദ് റാസ്ക്കല് എന്ന മലയാള സിനിമയുടെ തമിഴ് റീമേക്കായ ഭാസ്ക്കര് ഒരു റാസ്ക്കലിലാണ് അമല ഗ്ലാമറസ്സായി എത്തിയത്. ചിത്രത്തിലെ 'ഇപ്പോതു എന് ഇന്ത' എന്ന ഗാനത്തിന്റെ വിഡിയോയാണ് പുറത്തിറങ്ങിയിരിക്കുന്നത്.
ഗാനരംഗത്തില് അതീവ ഗ്ലാമറസായാണ് അമല നായകനായ അരവിന്ദ സ്വാമിക്കൊപ്പം എത്തുന്നത്. നടിയും ഗായികയുമായ ആന്ഡ്രിയയും കാര്ത്തിക്കുമാണ് ഈ ഗാനം ആലപിച്ചിരിക്കുന്നത്. മദന് കര്ക്കിയുടെ വരികള്ക്ക് അമരിഷ് ഗണേശ് ആണ് ഈണം നല്കിയിരിക്കുന്നത്. സിദ്ദിഖ് തന്നെയാണ് തമിഴിലും സംവിധാനം നിര്വഹിച്ചിരിക്കുന്നത്. മെയ് 17ന് തീയറ്ററുകളിലെത്തിയ ചിത്രത്തിന് സമ്മിശ്ര പ്രതികരണമാണ് ലഭിക്കുന്നത്.
സംവിധായകന് എഎല് വിജയിയുമായുള്ള വിവാഹമോചനത്തിനു ശേഷം അതീവ ഗ്ലാമറസ് വേഷങ്ങളിലാണ് അമല സിനിമയിലേക്കെത്തിയത്. ചെയ്യുന്നതെല്ലാം ഗ്ലാമര് റോളുകളായതിനാല് തന്നെ ചിത്രങ്ങളെല്ലാം സമൂഹമാധ്യമങ്ങളില് തരംഗം സൃഷ്ടിച്ചിരുന്നു. ഇതും അതേ പാതയില് തന്നെയാണ്. സൗന്ദര്യ സംരക്ഷണത്തെക്കുറിച്ചും തന്റെ സൗന്ദര്യരഹസ്യത്തെ കുറിച്ചും വീഡിയോയില് അമല വിവരിക്കുന്നുണ്ട്. വേനല്ക്കാല ചര്മ്മ സംരക്ഷണത്തെക്കുറിച്ചും അമല വിശദീകരിക്കുന്നു.
വിവാഹമോചനത്തെ കുറിച്ചുള്ള ഊഹാപോഹങ്ങള്ക്കു അമല മറുപടി നല്കിയിരുന്നു. സിനിമയിലെ വളര്ച്ചയെക്കാളുപരി വൈകാരികവും ബൗദ്ധികവുമായ വളര്ച്ചയ്ക്കാണ് താന് പ്രാധ്യാന്യം നല്കിയിരുന്നതെന്നു അമല പറഞ്ഞിരുന്നു .
ജീവിതം കരഞ്ഞു തീര്ക്കാന് ആഗ്രഹിക്കാത്തതു കൊണ്ടാണ് വീണ്ടും സിനിമയിലേക്കും മോഡലിംഗ് രംഗത്തേക്കും തിരിഞ്ഞത്. തന്നെ സംബന്ധിച്ചിടത്തോളം ജീവിതം അത്രമേല് സുന്ദരമാണ്. ജീവിതത്തെ കുറിച്ചുള്ള കാഴ്ചപ്പാടിനു തടസ്സമാകുമെന്നു കണ്ടപ്പോഴാണ് വിവാഹജീവിതത്തില് നിന്നു സ്വതന്ത്രയായത്.
https://www.facebook.com/Malayalivartha
