ചാപ്പ കുരിശിലൂടെയാണ് സുനില്‍ സുഖദ മലയാളികള്‍ക്ക് പരിചിതനായത്. ഇപ്പോള്‍ ഒരുപിടി ചിത്രങ്ങളിലൂടെ മലയാളികള്‍ക്ക് പ്രിയപ്പെട്ടവനായി. ജീവിതത്തിനും അഭിനയത്തിനും വേണ്ടിയുള്ള നെട്ടോട്ടത്തിനിടയില്‍ സുഖദ മറന്ന കാര്യമാണ് വിവാഹം. ഇനി അതിന് താല്‍പര്യവുമില്ലെന്നാണ് അദ്ദേഹം പറയുന്നത്. എന്നെങ്കിലും നടക്കുമോ എന്നും അറിയില്ല. കാരണം ജീവിതത്തില്‍ സുഖദ ഒന്നും പ്ലാന്‍ ചെയ്തിട്ടില്ല. സിനിമയിലും അഭിനയത്തിലും വന്നത് പോലും പ്ലാന്‍ ചെയ്തിട്ടല്ല.
തൃശൂരിലെ സുഖദ വീട്ടില്‍ അമ്മയ്ക്കും സഹോദരിക്കും ഒപ്പം കഴിയുകയാണ് താരം. ജോലി തേടി വര്‍ഷങ്ങള്‍ക്ക് മുമ്പ്
ബോംബയില്‍ പോയി. ഹോട്ടല്‍ ജോലിക്കിടെ വീണുകിട്ടുന്ന ഞായറാഴ്ചകളില്‍ നാടകം കാണുക പതിവായിരുന്നു. മറാഠി, ഹിന്ദി നാടകങ്ങളായിരുന്നു കണ്ടതിലേറെയും. നസിറുദ്ദീന്‍ ഷാ, അനുപംഖേര്‍, ആശിഷ് വിദ്യാര്‍ത്ഥി തുടങ്ങിയവരായിരുന്നു അന്ന് നാടകത്തിലെ താരങ്ങള്‍. അവരുടെ അഭിനയമാണ് സുനിലിനെ നാടകത്തിലേക്ക് അടുപ്പിച്ചത്.
അതിനിടെ ഒരിക്കല്‍ നാട്ടില്‍ വന്നപ്പോള്‍ വയലാ വാസുദേവന്‍ പിള്ളയുടെ നാടക ക്യാമ്പില്‍ പങ്കെടുത്തു. പിന്നെ തിരികെ മടങ്ങിയില്ല. നാടക പ്രവര്‍ത്തനത്തില്‍ സജീവമായി. ഇടയ്ക്ക് ഗ്രാഫിക് ഡിസൈനറായും ജോലിനോക്കി. സാഹിത്യ അക്കാദമിയുടെ ചില പുസ്തകങ്ങളുടെ കവര്‍ ഡിസൈന്‍ ചെയ്തിട്ടുണ്ട്.
ധാരാളം ഷോര്‍ട്ട് ഫിലിമുകള്‍ സംവിധാനം ചെയ്തു. ഫെസ്റ്റിവലുകളില്‍ പ്രദര്‍ശിപ്പിച്ചു. അവാര്‍ഡുകളും ലഭിച്ചു. അങ്ങനെ ലെനിന്‍ രാജേന്ദ്രന്റെ രാത്രിമഴയിലും മകരമഞ്ഞിലും സഹസംവിധായകനായി. സ്‌പൈനല്‍ കോഡ് എന്ന നാടകത്തില്‍ അഭിനയിച്ചത് കണ്ടാണ് മാര്‍ട്ടിന്‍ പ്രക്കാട്ട് ബെസ്റ്റ് ആക്ടറിലേക്ക് സുനിലിനെ വിളിച്ചത്. മൂന്ന് വര്‍ഷത്തിനിടെ മുപ്പത്തഞ്ചോളം സിനിമകളില്‍ അഭിനയിച്ചു. സിനിമ സംവിധാനം ചെയ്യണമെന്നാണ് തന്റെ ആഗ്രഹമെന്ന് അദ്ദേഹം പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha