മഞ്ജുവാര്യരുമായുള്ള ബന്ധം അവസാനിച്ചതോടെ ദിലീപിന്റെ ശനിദിശ തുടങ്ങി. ഇരുവരും വിവാഹമോചന ഹര്‍ജി നല്‍കിയ ശേഷം ഇറങ്ങിയ ദിലീപ് ചിത്രങ്ങളൊന്നും വിജയിച്ചിട്ടില്ല. ഇതേ തുടര്‍ന്നാണ് സിനിമാലോകം ഇക്കാര്യം ചര്‍ച്ച ചെയ്യുന്നത്. കടുത്ത ഈശ്വരവിശ്വാസിയായ ദിലീപ് പ്രശ് നപരിഹാരത്തിനായി പലരെയും സമീപിച്ചതായും വാര്‍ത്തകളുണ്ട്. മഹാബലിയെ പോലെ തന്നെ ചവുട്ടി താഴ്ത്താന്‍ ചില അഭിനവ വാമനന്‍മാര്‍ രംഗത്തിറങ്ങിയിട്ടുണ്ടെന്ന് ദിലീപ് ഫെയിസ്ബുക്കിലൂടെ വെളിപ്പെടുത്തിയത് ഇതിന്റെ പശ്ചാത്തലത്തിലാണെന്ന് അറിയുന്നു.  
മഞ്ജു വാര്യരെ വിവാഹം കഴിച്ച ശേഷമാണ് ദിലീപിന്റെ കരിയറില്‍ ഉയര്‍ച്ച ഉണ്ടായത്. മഞ്ജുവിനെ ജീവിത സഖിയാക്കിയ ശേഷം ജോക്കര്‍ ഹിറ്റായി. അതിന് മുമ്പുള്ള പടങ്ങളെല്ലാം പൊട്ടിയ സമയമായിരുന്നു അത്. പിന്നീടുള്ള 14 വര്‍ഷത്തിനിടയില്‍ ജനപ്രിയ നായകനെന്ന പദവിയിലേക്കും മലയാളത്തിലെ ഏറ്റവും ലാഭമുണ്ടാക്കുന്ന താരമെന്ന നിലയിലേക്കും ദിലീപ് ഉയര്‍ന്നു.  2014 അവസാനിക്കാന്‍ രണ്ടു മാസംകൂടി മാത്രം അവശേഷിക്കുമ്പോള്‍ ദിലീപിന്റതായി ഇതുവരെ മൂന്നു ചിത്രങ്ങള്‍ മാത്രമാണ് പുറത്തിറങ്ങിയത്. അവ പ്രതീക്ഷിച്ച  വിജയം നേടിയതുമില്ല. ഈ തിരിച്ചടി ഏഴു സുന്ദര രാത്രികള്‍ എന്ന ചിത്രത്തില്‍ തുടങ്ങിയതാണ്. ഇതിനിടയില്‍ റിംഗ് മാസ്റ്റര്‍ മാത്രമാണ് സാമ്പത്തിക വിജയം നേടിയത്.
ക്രിസ്റ്റ്യന്‍ ബ്രദേഴ്‌സ്, ട്വന്റി20, ജൂലൈ നാല്, ലയണ്‍, റണ്‍വേ തുടങ്ങി ദിലീപും ജോഷിയും ചേര്‍ന്ന ചിത്രങ്ങളെല്ലാംതന്നെ വിജയമായിരുന്നു. പക്ഷേ അവതാരത്തില്‍ അടിതെറ്റി. ഒരു ദിലീപ് ചിത്രത്തിനു ലഭിച്ചിരുന്ന ഒരു പരിഗണനയും അവതാരത്തിനു കിട്ടിയില്ല. ചിത്രത്തിന്റെ പരാജയമായിരിക്കാം തനിക്കെതിരേ ശത്രുക്കളുടെ കൂട്ടായ്മ ഉണ്ടായിരിക്കുന്നെന്ന തരത്തില്‍ പ്രതികരിക്കാന്‍പോലും ദിലീപിനെ പ്രേരിപ്പിച്ചത്. സുധീഷ് ശങ്കര്‍ സംവിധാനം ചെയ്ത വില്ലാളിവീരന്‍ ആണ് ഈ വര്‍ഷം അവസാനമായി പുറത്തുവന്ന ദിലീപ് ചിത്രം. സെപ്റ്റംബര്‍ ആറിനു തിയേറ്ററുകളില്‍ എത്തിയ ചിത്രത്തിന് പ്രക്ഷകരെ വേണ്ടത്ര ആകര്‍ഷിക്കാന്‍ കഴിഞ്ഞില്ല.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha