വിശ്വരൂപത്തിന് ശേഷം കമലാഹാസന്‍ വീണ്ടും പാടുന്നു. നവാഗതനായ വിജയ് വില്‍വാകൃഷ് സംവിധാനം ചെയ്യുന്ന അവമിലാണ് റോക്ക് ഗാനം ആലപിച്ചത്. ചെന്നൈയില്‍ റിക്കോഡിംഗും നടന്നു. കെ.എസ് സുന്ദര രാമമൂര്‍ത്തി ഈണം പകര്‍ന്ന വരികള്‍ മദന്‍ കാര്‍ക്കിയാണ് എഴുതിയത്. അന്‍പതിലധികം ഗാനങ്ങള്‍ കമലഹാസന്‍ പാടിയിട്ടുണ്ട്. ഗാന രചന നടത്തിയിട്ടുമുണ്ട്. ഇന്ത്യനിലെ കപ്പലേറി പോയാച്ച് കണ്ണമ്മാ...., മായാ മച്ചിന്ദ്രാ, തെന്നാലിയിലെ സ്വാസമേ.... സ്വാസമേ.... ദശാവതാരത്തിലെ ഉലഗനായകനെ..... തുടങ്ങിയ നിരവധി ഗാനങ്ങള്‍ സൂപ്പര്‍ഹിറ്റാണ്.  ഡാന്‍സും പാട്ടും ഒരുപോലെ വഴങ്ങുന്ന ശരീരമാണ് കമലാഹാസന്റേത്. അപൂര്‍വ സഹോദരങ്ങളിലെ ഉന്നയ് നിനച്ചേന്‍, നായകനിലെ തെന്‍പാണ്ടി സീമയിലേ.... വേട്ടയാടു വിളയാടുവിലെ ഉയിരിലേ... എനതു ഉയിരിലെ.... തുടങ്ങിയ മെലോഡിയസ് ഗാനങ്ങള്‍ തമിഴിലെ മികച്ച ഗാനങ്ങളുടെ പട്ടികയില്‍പ്പെടും. തെന്നാലിയില്‍ ശ്രീലങ്കന്‍ തമിഴ് ചുവയുള്ള ഇഞ്ചോറിങ്കോ... ഇഞ്ചേറിങ്കോ എന്നഗാനം അതേ രീതിയില്‍ പാടാന്‍ വേണ്ടി ശ്രീലങ്കന്‍ തമിഴ് അദ്ദേഹം പഠിച്ചിരുന്നു. 

ആദ്യമായാണ് കമലാഹാസന്‍ റോക്ക് സോംഗ് ആലപിക്കുന്നത്. അത് കൊണ്ട് ആരാധകര്‍ക്ക് ഇത് ആവേശമായിരിക്കുമെന്നാണ് അണിയപ്രവര്‍ത്തകര്‍ കണക്ക് കൂട്ടുന്നത്. ചിത്രത്തിന്റെ പ്രമോഷനും സി.ഡി വില്‍പ്പനയ്ക്കും കമലിന്റെ ശബ്ദം ഗുണം ചെയ്യും. അതേസമയം ചിത്രത്തില്‍ കമലാഹാസന്‍ ഇല്ലെന്നതാണ് പ്രധാന പ്രത്യേകത. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha