സംവിധായകര്ക്കുനേരെ അഭ്യര്ത്ഥനയും ശകാരവുമായി ജ്യോതിക
വിവാഹത്തിന് ശേഷം 36 വയതിനിലെ എന്ന സിനിമയിലൂടെ വീണ്ടും സിനിമാ ലോകത്ത് കടന്ന് വന്ന ജ്യോതികയുടെ അടുത്ത ചിത്രമാണ് മകളീര് മട്ടും. സിനിമയുടെ ഓഡിയോ റിലീസ് നടന്ന പൊതുവേദിയില് വെച്ചാണ് ഏറെ വൈകാരികതയോടെ ജ്യോതിക ഗ്ലാമറിനും പണത്തിനും പുറകെ പോകുന്ന തമിഴ് സംവിധായകര്ക്കെതിരെ ആഞ്ഞടിച്ചത്. സിനിമയില് നടിമാര്ക്കുള്ള പ്രാധാന്യം മനസിലാക്കാതെ വിലക്കുറച്ച കാണുന്നതിനെതിരെയാണ് നടി പ്രതികരിച്ചത്.
ഇന്ന് സിനിമയില് നടിമാരെ നായകന്മാര്ക്കൊപ്പം നൃത്തം ചെയ്യാനും ഗ്ലാമര് പ്രദര്ശിപ്പിക്കാനും ദ്വയാര്ത്ഥ സംഭാഷണങ്ങള് പറഞ്ഞു കളിയാക്കാനുള്ള കേവല വസ്തുവായി പരിഗണിക്കപ്പെടുന്നത് ഖേദകരമാണ്. നായികമാര് സിനിമയില് വെറും കാഴ്ച വസ്തുക്കളായി തരം താഴ്ത്തപ്പെട്ടിരിക്കുന്നു. ഒരു നായകന് ഒരു സിനിമയില് എന്തിനാണ് രണ്ടും മൂന്നും നാലുമൊക്കെ നായികമാര്, ഒരാള് പോരെ. സിനിമയില് നടിമാര് അണിയുന്ന വസ്ത്രം അവരുടെ മാനറിസങ്ങള്, ഇതൊക്കെ യുവ തലമുറ അനുകരിക്കുന്നു. അതിനാല് നമ്മള് സിനിമാക്കാര്ക്ക് സമൂഹത്തോടുള്ള ഉത്തവാദിത്വത്തെ നമ്മള് വിസ്മരിക്കരുത്. ദയവായി സ്ത്രീകളെ സിനിമയില് ലഹരി വസ്തുവായി ചിത്രീകരിക്കരുത് എന്നും ജ്യോതിക സംവിധായകരോട് അഭ്യര്ത്ഥിക്കുന്നു.
https://www.facebook.com/Malayalivartha
