സരിത കോടതിക്ക് നല്കിയ കത്ത് അഭിഭാഷകര് തയ്യാറാക്കിയത്?
സരിതാനായരുടെ മാതൃസഹോദരി പുത്രന് അട്ടക്കുളങ്ങര വനിതാജയിലില് സരിതാനായര്ക്ക് കൈമാറാന് ശ്രമിച്ച കത്ത് ഉന്നതരുടെ അറിവോടെ ചില അഭിഭാഷകര് തയ്യാറാക്കിയതാണെന്ന് സൂചന. കത്ത് കൈ മാറാന് ജയിലധികൃതര് അനുവദിച്ചിട്ടില്ലെങ്കിലും സരിത കത്ത് വായിക്കുകയും കത്തിലെ വിവരങ്ങള് കൈവെള്ളയില് കുറിച്ചെടുക്കുകയും ചെയ്തു. ഇതേ കത്താണ് സരിതാനായര് മജിസ്ട്രേറ്റിന് നല്കിയതാണെന്നാണ് സൂചന. ഭരണതലത്തില് പിടിപാടുള്ള എല്ലാവരെയും ഒഴിവാക്കി നല്കിയ കത്തിനുളള പ്രതിഫലം ‘സുഖജീവിത വാഗ്ദാനമാണ്.
അമ്മയെയും സഹോദരനെയും കാണാനുള്ള അനുവാദം മാത്രമാണ് സരിതയ്ക്കുണ്ടായിരുന്നത്. എന്നാല് സരിതയെ കാണണമെന്ന ആവശ്യവുമായി നിരവധിയാളുകള് ജയിലധികൃതരെ സമീപിച്ചിരുന്നു. അമ്മയും സഹോദരനും സരിതയെ ജയിലില് വന്നു കണ്ട ദിവസം തന്നെ രണ്ട് ചെറുപ്പക്കാര് നമ്പര് പ്ലേറ്റില്ലാത്ത കാറിലെത്തി സരിതയെ കാണണമെന്ന് ആവശ്യപ്പെട്ടിരുന്നു. അന്നേദിവസം ഇംഗ്ലണ്ടില് നിന്നും സരിതയെ തേടി ഒരു ഫോണ് കോളും വന്നിരുന്നു. ഫോണ് നല്കാന് ജയിലധികൃതര് തയ്യാറായില്ല. ഫോണ് നല്കുന്നതിന് വിളിച്ചയാള് പണവും വാഗ്ദാനം ചെയ്തിരുന്നു.
അമ്മയും സഹോദരനും കണ്ടതിനുശേഷമാണ് സരിതയുടെ അഭിഭാഷകന് ഫെനിബാലകൃഷ്ണന് നിലപാട് മാറ്റിയത്. സരിത ആദ്യം എഴുതിയ കത്ത് താന് നശിപ്പിച്ചതായും പുതിയ കത്ത് സരിത നേരിട്ട് മജിസ്ട്രേറ്റിന് എത്തിച്ചെന്നും ഫെനി മാധ്യമങ്ങളോട് പറഞ്ഞു. ഫെനിക്ക് സാമ്പത്തികസഹായം വാഗ്ദാനം ചെയ്തതായും ആരോപണം ഉയര്ന്നിരുന്നു.
സരിതയുടെ അഭിഭാഷകരും കത്തില് പേരുളള ഉന്നതരുടെ ബിനാമികളും കോടികള് വാഗ്ദാനം ചെയ്തതായും ആരോപണം ഉണ്ടായിരുന്നു. മൊഴിമാറ്റാന് അമ്മയാണ് സരിതയെ സ്വാധീനിച്ചത്. അഭിഭാഷകനെ മാറ്റാനുള്ള തീരുമാനം സരിത മാറ്റിയതും അമ്മയുടെ സന്ദര്ശനത്തിന് ശേഷമാണ്. സന്ദര്ശനത്തിനിടെ അമ്മയും സഹോദരനും കൈമാറിയ കത്ത് വായിച്ചാണ് സരിത നിലപാട് മാറ്റിയത്.
ഇതിനിടെ സരിത പണം വാങ്ങിയ മുഴുവന് ഇടപാടുകാര്ക്കും തുക മടക്കി നല്കാനുള്ള നീക്കങ്ങള് അണിയറയില് ആരംഭിച്ചു കഴിഞ്ഞു. തുക മടക്കി നല്കുന്നതോടെ സരിത കേസ് വെറുമൊരു സാമ്പത്തിക തട്ടിപ്പ് മാത്രമായി ചുരുങ്ങും.
https://www.facebook.com/Malayalivartha