ശാലുവിനെതിരെ സര്ക്കാര് തിരിഞ്ഞത് ഉന്നതരെ രക്ഷിക്കാന്
ശാലുമേനോന് ജാമ്യം നല്കരുതെന്ന് സര്ക്കാര് ഹൈക്കോടതിയെ അറിയിച്ചത് ഉന്നതരെ രക്ഷിക്കാന്. മുഖ്യമന്ത്രിയുടെ വിശ്വസ്ഥനായിരുന്ന ജോപ്പന് ഉപാധികളോടെ ജാമ്യം നല്കുന്നതില് എതിര്പ്പില്ലെന്ന് സര്ക്കാര് കോടതിയില് അറിയിച്ചതോടെയാണ് ഇക്കാര്യം വ്യക്തമായത്. തട്ടിപ്പിലൂടെ നേടിയ പണം കണ്ടെത്തുന്നത് വരെ ശാലുവിന് ജാമ്യം നല്കരുതെന്നാണ് സര്ക്കാര് ആവശ്യപ്പെട്ടത്. അതേസമയം ജാമ്യം കിട്ടിയാല് ആഭ്യന്ത്രരമന്ത്രിയുമായും രണ്ട് കേന്ദ്രമന്ത്രിമാരുമായും തനിക്കുന്ന ബന്ധവും ഇടപാടുകളും ശാലു വെളിപ്പെടുത്തുമെന്ന് ഭയന്നാണ് സര്ക്കാര് ഇങ്ങിനെ ഒരു നീക്കം നടത്തിയതെന്നും അറിയുന്നു.
ശാലുവിനെയും സരിതയെയും മന്ത്രിമാര്ക്കടക്കം പരിചയപ്പെടുത്തി കൊടുത്തത് ഒരു മുന് മന്ത്രിയാണ്. എന്നാല് വിവാദങ്ങളിലൊന്നും അദ്ദേഹത്തെ വലിച്ചിഴയ്ക്കപ്പെട്ടിട്ടില്ല. ഒരു മന്ത്രി പുത്രന് ശാലുവുമായി അടുത്തബന്ധമാണ് ഉണ്ടായിരുന്നത്. കേന്ദ്രസെന്സര് ബോര്ഡ് അംഗമാകുന്നതിന് ശാലുവിനെ സഹായിച്ചവര്ക്കെതിരെയുള്ള തെളിവുകള് ശാലുവിന്റെ പക്കലുണ്ടെന്നറിയുന്നു. തട്ടിപ്പിലൂടെ നേടിയ പണത്തിന്റെ വിഹിതം ശാലു പല ഉന്നതര്ക്കും നല്കിയിട്ടുണ്ട്. മാത്രമല്ല സരിതയ്ക്ക് ആരുമൊക്കെയായി ഇടപാടും അടുപ്പവും ഉണ്ടായിരുന്നു എന്ന കാര്യവും ശാലുവിന് അറിയാം. ജാമ്യത്തിലിറങ്ങിയാല് ഇക്കാര്യങ്ങളൊക്കെ ശാലു മാധ്യമങ്ങളോട് വെളിപ്പെടുത്തുമെന്ന് പലരും ഭയക്കുന്നു.
കൂടെ നിന്ന ബിജു രാധാകൃഷ്ണനെ അടക്കം തള്ളിപ്പറഞ്ഞ ശാലുവിന് ജാമ്യം കിട്ടിയാല് സര്ക്കാര് വലിയ പ്രതിസന്ധിയിലേക്ക് നീങ്ങുമെന്ന് നിയമവിദഗ്ധര് സര്ക്കാരിനെ അറിയിച്ചതായി സൂചനയുണ്ട്. സോളാര് വിവാദങ്ങള് തണുത്തിരിക്കുകയാണ്. ഇടതുമുന്നണി സമരം മാറ്റിവച്ചിരിക്കുകയാണ്. ഈ സാഹചര്യത്തില് ജാമ്യം നല്കിയാല് വീണ്ടും പ്രശ്നങ്ങള് സജീവമാകുമെന്നും സര്ക്കാരിന് ഭയമുണ്ട്.
https://www.facebook.com/Malayalivartha