ഉമ്മന്ചാണ്ടി താമസിക്കാതെ രാജിവയ്ക്കും?
തിരുവനന്തപുരം: മുഖ്യമന്ത്രി ഉമ്മന്ചാണ്ടി താമസിക്കാതെ രാജിവയ്ക്കുമെന്ന് റിപ്പോര്ട്ട്. സര്ക്കാരിലെ തന്നെ പല പ്രമുഖരെയും എ ഗ്രൂപ്പ് വെറുപ്പിച്ചതോടെയാണ് കാര്യങ്ങള് കുഴഞ്ഞുമറിഞ്ഞത്. സോളാര് കേസില് കോടതി പരാമര്ശമോ മറ്റെന്തെങ്കിലുമോ വരാന് കാത്തിരിക്കുകയാണ് അദ്ദേഹമെന്നറിയുന്നു.
രാജി സന്നദ്ധത ഉമ്മന്ചാണ്ടി ഹൈക്കമാന്ഡിനെ അറിയിച്ചതായും അതിനെ തുടര്ന്നാണ് വി.എം സുധീരനെ ഹൈക്കമാന്ണ്ട് വൃത്തങ്ങള് ഡല്ഹിക്ക് വിളിപ്പിച്ചതെന്നും ഒരു കെ.പി.സി.സി ഭാരവാഹി പറഞ്ഞു. സുധീരനെ കെ.പി.സി.സി അധ്യക്ഷനാക്കാനും ചെന്നിത്തലയ്ക്ക് മുഖ്യമന്ത്രി പദവും നല്കാനാണ് ഹൈക്കമാന്ണ്ട് തീരുമാനം.
സരിതയും മുഖ്യമന്ത്രിയും തമ്മിലുള്ള ചിത്രം പുറത്തുവന്നെങ്കിലും അത് ഉമ്മന്ചാണ്ടിയെ കുരുക്കുന്നതിനുള്ള തെളിവായിരുന്നില്ല. എന്നാല് താമസിക്കാതെ സോളാര് വിവാദത്തില് മുഖ്യമന്ത്രിക്കും അദ്ദേഹത്തിന്റെ ഓഫീസും വ്യക്തമായ പങ്കുള്ളത് തെളിയിക്കുന്ന ആധികാരികമായ രേഖകള് പുറത്ത് വരുമെന്നാണ് അറിയുന്നത്. ഇതിനെ തുടര്ന്നാണ് രാജി വയ്ക്കാന് തീരുമാനിച്ചതെന്നറിയുന്നു. വിവാദങ്ങളുണ്ടാക്കി രാജിവച്ചാല് ഉമ്മന്ചാണ്ടിയുടെ തുടര്ന്നുള്ള രാഷ്ട്രീയ പ്രവര്ത്തനങ്ങള്ക്ക് അത് തടസമാകും. അതൊഴിവാക്കാനാണ് തിടുക്കത്തില് രാജി സന്നദ്ധത അറിയിച്ചത്.
ഉമ്മന്ചാണ്ടിയുടെ രാജി അഭ്യൂഹങ്ങള് പാര്ട്ടിയിലും മുന്നണിയിലും പരന്നതോടെ അദ്ദേഹത്തിനൊപ്പം ഉണ്ടായിരുന്ന പല മന്ത്രിമാരും ഗ്രൂപ്പ് മാറി തുടങ്ങിയതായി അറിയുന്നു. ഉമ്മന്ചാണ്ടിയുടെ തണലില് നിന്ന് മാത്രം മന്ത്രിയായവരാണിവര്. ജോപ്പനെ അറസ്റ്റ് ചെയ്തതോടെ തിരുവഞ്ചൂര് രാധാകൃഷ്ണനെ എ ഗ്രൂപ്പില് നിന്ന് പുറത്താക്കിയത് പരസ്യമായ രഹസ്യമാണ്. മുഖ്യമന്ത്രി സ്ഥാനം ഒഴിഞ്ഞ ശേഷം ഉമ്മന്ചാണ്ടിക്ക് എന്ത് പദവി നല്കുമെന്ന ആശയക്കുഴപ്പവും ഹൈക്കമാന്ഡിനുണ്ട്. യു.ഡി.എഫ് കണ്വീനറാക്കാന് ശ്രമം നടക്കുന്നുണ്ടെങ്കിലും അദ്ദേഹം അത് സ്വീകരിക്കുമോ എന്നറിയില്ല. രാജി അഭ്യൂഹം പരന്നതോടെ പത്രങ്ങളും ചാനലുകളും ഉമ്മന്ചാണ്ടിയുടെ പ്രൊഫൈല് തയ്യാറാക്കാനുള്ള തിരക്കിലാണ്.
https://www.facebook.com/Malayalivartha
