പാഠപുസ്തകം തയ്യാറാക്കാന് സംഘടനാ നേതാക്കള്
കുട്ടികളെ പഠിപ്പിക്കേണ്ട പാഠപുസ്കങ്ങള് തീരുമാനിക്കുന്നത് രാഷ്ട്രീയക്കാര്!
അടുത്ത അധ്യയനവര്ഷം മുതല് ഒന്ന്, മൂന്ന്, അഞ്ച്, ഏഴ്, പതിനൊന്ന് ക്ലാസുകളിലെ പാഠപുസ്തകങ്ങള് പരിഷ്ക്കരിക്കാന് സര്ക്കാര് തീരുമാനിച്ചു കഴിഞ്ഞു. ഇതിനായുള്ള കരിക്കുലം കോര് കമ്മിറ്റിയിലാണ് അധ്യാപകസംഘടനാ നേതാക്കള് തള്ളിക്കയറിയിരിക്കുന്നത്. പാഠപുസ്തകപരിഷ്ക്കരണത്തിന് സര്ക്കാര് ഒരു വിദഗ്ദ്ധസമിതിയെ നിയോഗിച്ചിരുന്നു. ഇവര് തയ്യാറാക്കിയ നയരേഖ ചര്ച്ചചെയ്യാന് ചേര്ന്ന കോര് കമ്മിറ്റിയില് ഭരണ-പ്രതിപക്ഷ സംഘടനാനേതാക്കള് തമ്മില് രൂക്ഷമായ വാക്കേറ്റവുമുണ്ടായി.
പാഠപുസ്തകങ്ങള് കേരള പാഠ്യപദ്ധതി അടിസ്ഥാനമാക്കണോ അതോ ദേശീയ പാഠ്യപദ്ധതി അടിസ്ഥാനമാക്കണോ എന്നതായിരുന്നു തര്ക്ക വിഷയം. യോഗത്തില് അധ്യക്ഷത വഹിച്ച പൊതുവിദ്യാഭ്യാസ സെക്രട്ടറി ഡോ. കെ. ഇളങ്കോവന് 'സാറുമാരുടെ' മൈതാന പ്രസംഗം മടുത്ത് ഇതിനെതിരെ അദ്ദേഹം രൂക്ഷമായി പ്രതികരിക്കുകയും ചെയ്തു. മൈതാന പ്രസംഗമല്ല ക്രീയാത്മക നിര്ദ്ദേശങ്ങളാണ് വേണ്ടതെന്നും അദ്ദേഹം തുറന്നടിച്ചു.
കരിക്കുലം കോര് കമ്മിറ്റിയില് വേണ്ടത് രാഷ്ട്രീയക്കാരെയല്ലെന്നും വിദഗ്ദ്ധരെയാണെന്നും ആവശ്യപ്പെട്ട് സെക്രട്ടറി സര്ക്കാരിന് കത്തെഴുതി.
കോര് കമ്മിറ്റിയില് വിദഗ്ദ്ധരെ ഉള്പ്പെടുത്തിയ ശേഷം മതി പാഠപുസ്തക പരിഷ്ക്കരണ ചര്ച്ചകളെന്നും സെക്രട്ടറി സര്ക്കാരിന് നല്കിയ റിപ്പോര്ട്ടില് പറയുന്നു.
കഴിഞ്ഞ സര്ക്കാരിന്റെ കാലത്ത് നടന്ന പാഠ്യപദ്ധതി പരിഷ്ക്കരണം ധാരാളം വിവാദങ്ങള്ക്ക് വഴി വച്ചിരുന്നു. 'മതമില്ലാത്ത ജീവന്' എന്ന പാഠം പിന്വലിക്കേണ്ടിയും വന്നിരുന്നു. ഇത്തരം വിവാദങ്ങള് നിലനില്ക്കുന്നത് കൊണ്ടു കൂടിയാണ് വിദഗ്ദ്ധര് വേണമെന്ന് സെക്രട്ടറി ആവശ്യപ്പെട്ടിരിക്കുന്നത്.
അതേസമയം ദേശീയതലത്തില് പാഠപുസ്തകങ്ങള് തയ്യാറാക്കുന്നത് അതാതു മേഖലകളിലെ പ്രഗല്ഭരാണ്. സംസ്ഥാനത്തെ കേന്ദ്രീയവിദ്യാലയങ്ങളിലും അണ്എയ്ഡഡ് സ്ഥാപനങ്ങളിലും പഠിക്കുന്ന കുട്ടികള് ദേശീയ പാഠ്യപദ്ധതിയാണ് പിന്തുടരുന്നത്. ഇത്തരം വിദ്യാര്ത്ഥികളോടാണ് നമ്മുടെ പാവം സര്ക്കാര് സ്ക്കൂള് വിദ്യാര്ത്ഥികള് മത്സരിക്കേണ്ടത്. ആര്ക്കും വേണ്ടാത്ത കുറെ പാഠപുസ്തകങ്ങള് തയ്യാറാക്കിയശേഷം സര്ക്കാര് വിദ്യാലയങ്ങളില് കുട്ടികളില്ലെന്ന് പരിതപിക്കും.
https://www.facebook.com/Malayalivartha
