500 രൂപ നോട്ടിലേറെയും വ്യാജന്
500 രൂപയുടെ നോട്ടുകള് ഉപയോഗിക്കുന്നവര് അത് വ്യാജമല്ലെന്ന് ഉറപ്പു വരുത്തുക. കേരളത്തില് 500 രൂപയുടെ പാക്കിസ്ഥാന് കള്ളനോട്ടുകള് വ്യാപിക്കുന്നതായി കേന്ദ്ര ഇന്റലിജന്സ് കേരള ഇന്റലിജന്സിനെ അറിയിച്ചു. നാലു വര്ഷത്തിനിടയിലാണ് ഇത്രയധികം കള്ളനോട്ടുകള് പ്രചരിച്ചത്. കേരളത്തില് വ്യാപകമായി നടക്കുന്ന ഭൂമി ഇടപാടുകളില് ഉപയോഗിക്കുന്നത് ഇത്തരം കള്ളനോട്ടുകളാണ്. കഴിഞ്ഞ 6 മാസത്തിനിടയില് കോടി കണക്കിന് രൂപയുടെ കള്ളനോട്ടുകളാണ് കേരളത്തിലെത്തിയതെന്ന് ഇന്റലിജന്സ് പറയുന്നു.
കഴിഞ്ഞ 6 മാസത്തിനിടയില് 16 കോടിയുടെ കള്ളനോട്ടുകളാണ് രാജ്യത്തിന്റെ വിവിധ ഭാഗങ്ങളില് നിന്ന് പിടിച്ചെടുത്തത്. ഡല്ഹിയില് നിന്നാണ് കൂടുതലും പിടികൂടിയത്. ജനുവരി മുതല് ഏപ്രില് വരെ പഞ്ചാബ് അതിര്ത്തിയില് നിന്നും പിടിച്ചത് 48 ലക്ഷത്തിന്റെ കള്ളനോട്ടുകളാണ്. പാക്കിസ്ഥാനിലെ പ്രസുകളിലാണ് ഇന്ത്യന് നോട്ടുകള് അച്ചടിക്കുന്നത്.
നേപ്പാളില് നിന്നാണ് ഇന്ത്യയിലേക്ക് കള്ളനോട്ട് കടത്തുന്നത്. ഇന്ത്യയിലേക്കുളള നോട്ടു കടത്ത് കണ്ടെത്തിയതിനെ തുടര്ന്ന് പാക് എംബസിയിലെ സെക്രട്ടറിയെ സര്ക്കാര് തിരിച്ചു വിളിച്ചിരുന്നു. ഇന്ത്യന് രൂപ അച്ചടിക്കുന്ന പേപ്പറും മഷിയും പാക്കിസ്ഥാന് വാങ്ങിയിട്ടുണ്ടെന്ന് ഇന്ത്യന് സര്ക്കാരിന്റെ ശ്രദ്ധയില്പെട്ടിട്ടുണ്ട്. സ്വിറ്റ്സര്ലന്റ്, സ്വീഡന്, ലണ്ടന് എന്നിവിടങ്ങളില് നിന്നാണ് നോട്ട് അച്ചടിക്കാനുള്ള പേപ്പറുകള് ഇന്ത്യ വാങ്ങിയിരുന്നത്.
ദുബായില് നിന്നാണ് കേരളത്തിലേയ്ക്ക് കള്ള നോട്ടുകള് എത്തുന്നത്. നേപ്പാളിന് പുറമെ ബംഗ്ലാദേശ്, ശ്രീലങ്ക എന്നിവിടങ്ങളില് നിന്നും കേരളത്തില് കള്ളനോട്ട് എത്തുന്നതായും കേന്ദ്ര ഇന്റലിജന്സ് കണ്ടെത്തിയിട്ടുണ്ട്. കപ്പല് മാര്ഗ്ഗമാണ് കേരളത്തില് കള്ളനോട്ട് എത്തുന്നത്. എന്നാല് കേരളത്തിലെ തീരദേശത്ത് ഇപ്പോഴും വേണ്ടത്ര സുരക്ഷിതത്വമില്ല.
https://www.facebook.com/Malayalivartha