പ്രൈമറി കുട്ടികള്ക്ക് ലഹരി പകരാന് വൈറ്റ്നറും സുറുമയും
കേരളത്തിലെ സ്കൂള്-കോളേജ് വിദ്യാര്ത്ഥികള്ക്ക് ലഹരി പകരാന് വൈറ്റ്നറും സുറുമയും. പ്രൈമറി ക്ലാസ്സില് പഠിക്കുന്ന ആണ്കുട്ടികള് സ്പിരിറ്റ് ചേര്ത്ത വൈറ്റ്നര് നാക്കില് തേയ്ച്ചും സ്പിരിറ്റ് കലര്ന്ന സുറുമ കണ്ണില് തേയ്ച്ചും ലഹരി ആസ്വദിക്കുന്നു.
സംസ്ഥാനത്തെ സ്ക്കൂളുകളില് കഴിഞ്ഞദിവസം നടന്ന പി.ടി.ഐ യോഗത്തിലാണ് സുറുമയും വൈറ്റ്നറും ഉപയോഗിക്കുന്ന കുട്ടികളെ വിലക്കണമെന്ന് മനശാസ്ത്ര കൗണ്സിലര്മാര് ആവശ്യപ്പെട്ടത്. കുട്ടികള് കണ്ണില് സുറുമ തേയ്ക്കുമ്പോള് ഒരു പ്രത്യേകതരം ലഹരി ലഭിക്കുന്നതായാണ് വിവരം. എഴുതിയത് മാറ്റാന് ഉപയോഗിക്കുന്ന വൈറ്റ്നര് ചുണ്ടില് തേച്ചാല് ലഹരിയുണ്ടാവുമെന്നും പോലീസുകാരും കൗണ്സിലര്മാരും രക്ഷകര്ത്താക്കളെ ഉപദേശിച്ചു.
ലഹരി വര്ദ്ധിക്കാന് സ്പിരിറ്റ് ചേര്ത്ത ഉല്പന്നങ്ങള് മാര്ക്കറ്റിലെത്തിക്കുകയാണോ എന്നും സംശയമുണ്ട്.
സ്കൂളുകളില് പഠിക്കുന്ന ആണ്കുട്ടികള്ക്കിടയില് സുറുമ എഴുതുന്നവരുടെ എണ്ണം കൂടുന്നതു കണ്ട് നടത്തിയ ഗവേഷണത്തിലാണ് അധികൃതര്ക്ക് ഇക്കാര്യങ്ങള് ബോധ്യമായത്.
ഒറ്റയ്ക്ക് ഇന്റര്നെറ്റ് ഉപയോഗിക്കുന്ന കുട്ടികളെ വിലക്കണമെന്നും അധികൃതര് പറഞ്ഞു. മുറിയടച്ചിരുന്ന് പഠിക്കാന് കുട്ടികളെ അനുവദിക്കരുതെന്നും അധികൃതര് പറഞ്ഞു.
മുമ്പില്ലാത്ത വിധം സെക്സ് ചിത്രങ്ങള് കാണുന്ന കുട്ടികളുടെ എണ്ണവും വര്ദ്ധിച്ചതായി കണക്കുകള് പറയുന്നു.
12 വയസ്സു മുതല് കുട്ടികള് ചാരായം ഉപയോഗിക്കുന്നതായി ഒരു ദൃശ്യമാധ്യമം നടത്തിയ തെളിവെടുപ്പില് കണ്ടെത്തിയിരുന്നു. മദ്യം വാങ്ങുന്ന കുട്ടികളെയും ക്യാമറക്ക് മുമ്പിലെത്തിച്ചിരുന്നു. രക്ഷകര്ത്താക്കള്ക്ക് കുട്ടികളിലുള്ള നിയന്ത്രണം നഷ്ടമായെന്നു വേണം കരുതാന്. മാതാപിതാക്കളുടെ തിരക്ക് കരുതല് ഇല്ലാതാക്കിയിട്ടുണ്ട്.
https://www.facebook.com/Malayalivartha
