ഋഷിരാജ് സിംഗിന് പിടിവീഴും!
ട്രാന്സ്പോര്ട്ട് കമ്മീഷണര് ഋഷിരാജ്സിംഗിന് പിടി വീഴാന് സാധ്യത. വേഗപ്പൂട്ട് നിര്ബന്ധമാക്കി കൊണ്ട് ട്രാന്സ്പോര്ട്ട് കമ്മീഷണര് നല്കിയ ഉത്തരവ് സര്ക്കാരിന് തലവേദനയായി മാറികഴിഞ്ഞ പശ്ചാത്തലത്തിലാണ് ഋഷിരാജ്സിംഗിനെ നിയന്ത്രിക്കാന് ഉന്നത തലത്തില് തീരുമാനമുണ്ടായത്. മലപ്പുറം അപകടമാണ് വേഗപ്പൂട്ട് നിര്ബന്ധമാക്കാന് ഋഷിരാജ്സിംഗിനെ നിര്ബന്ധിതമാക്കിയത്.
കേരളത്തിലെ പതിമൂന്ന് ജില്ലകളിലും ജനങ്ങള് ആശ്രയിക്കുന്നത് സ്വകാര്യബസ്സുകളെയാണ്. സ്വകാര്യ ബസ് പണിമുടക്കിയാല് ഇവിടങ്ങളില് ജനജീവിതം താറുമാറാകും. സമയത്ത് ഓഫീസിലും സ്കൂളുകളിലും എത്താന് കഴിഞ്ഞില്ലെങ്കില് ജനങ്ങള് വേഗപ്പൂട്ടിന്റെ കാര്യമൊക്കെ മറന്ന് സര്ക്കാരിനെതിരെ രംഗത്ത് വരുമെന്നാണ് സര്ക്കാരിന്റെ ഭയം.
എന്നാല് ഋഷിരാജ്സിംഗിന്റെ നടപടികള്ക്ക് ഗതാഗതമന്ത്രി ആര്യാടന് പൂര്ണ്ണ പിന്തുണയാണ് പ്രഖ്യാപിച്ചിരിക്കുന്നത്. പ്രത്യേകിച്ച് ആസൂത്രണ ബോര്ഡ് ഗതാഗതം പരാജയപ്പെട്ട വകുപ്പാണെന്ന് വിധിയെഴുതിയ പശ്ചാത്തലത്തില്. ഋഷിരാജ്സിംഗ് ഡപ്യൂട്ടേഷന് പൂര്ത്തിയാക്കി കേരളത്തില് മടങ്ങിയെത്തിയപ്പോള് അദ്ദേഹത്തെ സ്വന്തം വകുപ്പില് നിയമിക്കാന് മന്ത്രിമാര് മടിച്ചിരുന്നു. എന്നാല് ഋഷിരാജ്സിംഗിനെ സസന്തോഷം എറ്റെടുത്തത് ആര്യാടനാണ്. സിംഗ് സര്ക്കാരിന് തലവേദനയുണ്ടാക്കുന്നില്ലെന്ന നിലപാടില് തന്നെയാണ് ആര്യാടന് ഇപ്പോഴും.
സ്വകാര്യബസുടമകളുടെ സംഘടനക്ക് സോളാര് കേസ് ഒതുക്കിയതില് നിര്ണായകമായ പങ്കുണ്ട്. കേരളത്തിലെ പ്രമുഖനായ ഒരു യു.ഡി.എഫ് നേതാവിന്റെ അടുത്ത ബന്ധുവാണ് സംഘടനയുടെ സംസ്ഥാന ഭാരവാഹി. അദ്ദേഹം മുഖ്യമന്ത്രിയുടെ അടുത്തയാളുമാണ്. അനില്കുമാറിനും ആര്യാടനും വേണ്ടി ഇവര് ഇടപെട്ടിരുന്നു എന്ന് ഒരു സ്വകാര്യചാനല് ഏതാനും ദിവസങ്ങള്ക്കു മുമ്പ് വെളിപ്പെടുത്തിയിരുന്നു.
റോഡപകടങ്ങള്ക്ക് കാരണം സ്വകാര്യ ബസുകളാണെന്ന ധാരണ പരത്തുന്നതില് ട്രാന്സ്പോര്ട്ട് കമ്മീഷണര്ക്ക് പങ്കുണ്ടെന്നാണ് ബസ് ഓപ്പറേറ്റര്മാരുടെ പ്രധാന ആരോപണം. എന്നാല് ഡീസലിന് നികുതി വര്ദ്ധിപ്പിച്ചിട്ടും സമരത്തിന് മുതിരാതിരുന്ന തങ്ങളെ സര്ക്കാര് വേട്ടയാടരുതെന്നും ഇവര് ആവശ്യപ്പെടുന്നു.
ബസ് സമരത്തെ കര്ശനമായി നേരിടുമെന്ന് തന്നെയാണ് ആര്യാടനും പറയുന്നത്. എന്നാല് ഈ വഴിയുണ്ടാകുന്ന ജനരോഷത്തെ എങ്ങനെ നേരിടും എന്നതിനെ കുറിച്ച് സര്ക്കാരിന്റെ കൈയ്യില് ഒറ്റമൂലിയില്ല.
https://www.facebook.com/Malayalivartha