പഠിക്കാന് പിള്ളേരില്ല എന്നിട്ടും സീറ്റ് വേണമെന്ന് സര്ക്കാര്
ഹയര് സെക്കന്ഡറി മേഖലയില് നടത്തിക്കൊണ്ടിരിക്കുന്ന നിയമപോരാട്ടങ്ങള് സര്ക്കാരിന് തിരിച്ചടിയായേക്കും
ഹയര് സെക്കന്ററി പ്രവേശനം പൂര്ത്തിയായി കഴിഞ്ഞു. സര്ക്കാര് സ്ക്കൂളുകളില് അടക്കം പതിനൊന്ന് അധികബാച്ചുകള് നഷ്ടപ്പെടുകയും ചെയ്തു. എന്നിട്ടും പുതിയ ബാച്ചുകള്ക്ക് വേണ്ടി സര്ക്കാര് ഹൈക്കോടതിയില് സത്യവാങ്മൂലം സമര്പ്പിച്ചിക്കുന്നു. മാനേജുമെന്റുകളുടെ സമ്മര്ദ്ദമാണ് പുതിയ നീക്കങ്ങള്ക്ക് പിന്നില്.
സൗജന്യമായി പഠിക്കാവുന്ന 2910 മെരിറ്റ് സീറ്റുകളാണ് കാലിയായിരിക്കുന്നത്. എയ്ഡഡ് സ്ക്കൂളുകളിലെ 3000 സീറ്റുകളും അണ് എയ്ഡഡ് മേഖലയിലെ 27,000 സീറ്റുകളും ഒഴിഞ്ഞുകിടക്കുന്നു. എന്നിട്ടും പുതിയ സ്ക്കൂളുകള് ഉള്പ്പെടെ 678 അധിക ബാച്ചുകള് അനുവദിക്കാനാണ് സര്ക്കാര് ഹൈക്കോടതിയെ സമീപിച്ചിരിക്കുന്നത്. കെ.ഇ ആറിലെ വ്യവസ്ഥകള് പാലിച്ചു വേണം പുതിയ ബാച്ചുകള് അനുവദിക്കാനെന്ന ഹൈക്കോടതി വിധിയുടെ പശ്ചാത്തലത്തിലാണ് പുതിയ നിയമനീക്കങ്ങള് സര്ക്കാര് നടത്തുന്നത്. ഹയര്സെക്കന്ഡറിയില് സീറ്റുകള് കാലിയായതിനാല് പരീക്ഷ പോലും മാറ്റിവയ്ക്കേണ്ട ഗതികേടിലാണ് സര്ക്കാര്. പുതുതായി ആരംഭിക്കാനിരിക്കുന്ന 678 ബാച്ചുകളിലെ 35,000 സീറ്റുകളില് എങ്ങനെ വിദ്യാര്ത്ഥികളെ കണ്ടെത്തുമെന്ന ആശങ്കയിലാണ് ഹയര്സെക്കന്ഡറി ഡയറക്ടറേറ്റ്.
കുട്ടികളുടെ എണ്ണമനുസരിച്ചാണ് പുതിയ ബാച്ചുകളും പീരിയിഡുകളും അനുവദിക്കുന്നത്. പുതിയ ബാച്ചുകള് അനുവദിച്ചാല് മാത്രമേ അധ്യാപകര്ക്ക് സ്ഥാനക്കയറ്റം ലഭിക്കുകയുള്ളൂ. വിദ്യാര്ത്ഥികള് ഇല്ലെങ്കില് പ്രമോഷന് ലഭിച്ചവര് തഴയപ്പെടും. മാനേജ്മെന്റ് സ്ക്കൂളുകളില് ഇത്തരം പ്രശ്നങ്ങള് ഉണ്ടായാല് അത് രാഷ്ട്രീയമായ പ്രത്യാഘാതങ്ങള്ക്ക് കാരണമാകും.
ഇപ്പോള് ഹൈസ്ക്കൂള് തലത്തില് നല്കി വരുന്ന പ്രൊട്ടക്ഷന് ഭാവിയില് ഹയര്സെക്കന്ഡറി മേഖലയ്ക്കും നല്കേണ്ടി വരുമെന്നും കണക്കുകൂട്ടപ്പെടുന്നു.
പുതിയ വാര്ത്തകള് അപ്പപ്പോള് അറിയാന് മലയാളി വാര്ത്തയുടെ ഫേസ്ബുക്കില് Like ചെയ്യുക
https://www.facebook.com/Malayalivartha