ഗുട്ടന്സ് പുറത്ത് ഉപരോധം നിര്ത്തിയത് ഇതിനുവേണ്ടി
സി പി എം സെക്രട്ടറിയേറ്റിനു മുമ്പില് നടത്തിയ അനിശ്ചിതകാല ഉപരോധം പൊടുന്നനെ പിന്വലിച്ചതിന് പിന്നിലെ ഗുട്ടന്സ് മലയാളികള് മനസ്സിലാക്കിയത് ഇപ്പോഴാണ്.
ടി. പി. ചന്ദ്രശേഖരന് വധക്കേസില് സി പി എമ്മിലെ പ്രമുഖ നേതാക്കളെ തെളിവുകളുടെ അഭാവത്തില് വെറുതെ വിട്ടതോടെയാണ് ഭരണകക്ഷി-പ്രതിപക്ഷ ബന്ധത്തിന്റെ പൂച്ച് പുറത്തായിരിക്കുന്നത്.
ടി.പി. വധത്തില് സാക്ഷികള് ആവശ്യാനുസരണം കൂറുമാറാന് അവസരമൊരുക്കാമെന്നും അങ്ങനെ കൂറുമാറിയാല് തന്നെ യാതൊരു അന്വേഷണവും നടത്തുകയില്ലെന്നും ഭരണകക്ഷിയിലെയും സര്ക്കാരിലെയും ഉന്നതര് സി പി എം സംസ്ഥാന നേതാക്കള്ക്ക് വാക്കു കൊടുത്തിരുന്നതായി വാര്ത്തകളുണ്ടായിരുന്നു. ടി. പി. വധവുമായി ബന്ധപ്പെട്ട അന്വേഷണം കൂടുതല് നേതാക്കളിലേക്ക് വ്യാപിപ്പിക്കില്ലെന്നും ഭരണകക്ഷി സര്ക്കാര് ഉന്നതര് വാക്കു നല്കിയിരുന്നത്രേ.
മാറാട് പ്രത്യേക കോടതി വിധിക്കെതിരെ സര്ക്കാര് അപ്പീല് നല്കണമെന്ന് രമേശ് ചെന്നിത്തല ആവശ്യപ്പെട്ടിട്ടുണ്ട്. എന്നാല് അപ്പീല് നല്കുമോ എന്ന് കണ്ടറിയണം. ദുര്ബലമായ വകുപ്പുകള് ചുമത്തിയാണ് പ്രതികള്ക്കെതിരെ കേസ് രജിസ്റ്റര് ചെയ്തിരുന്നത്.
സാക്ഷികള് കൂറുമാറിയതാണ് പ്രതികളെ വെറുതെവിടാനുള്ള കാരണമെന്ന് ടി.പി. ചന്ദ്രശേഖരന്റെ ഭാര്യ രമ ഇന്നലെ മാധ്യമങ്ങളോട് പറഞ്ഞിരുന്നു. പലര്ക്കും ഗൂഢാലോചനയില് പങ്കുണ്ടെന്നും രമ ആരോപിച്ചു.
ആഭ്യന്തരമന്ത്രി തിരുവഞ്ചൂര് രാധാകൃഷ്ണന്റെ മകന്റെ വിവാഹത്തിലും രമ പങ്കുകൊണ്ടിരുന്നു. രമയുടെ സാന്നിദ്ധ്യം പലരിലും അദ്ഭുതമുളവാക്കിയിരുന്നു. ടി. പി.ചന്ദ്രശേഖരനോട് യു.ഡി.എഫ് നേതൃത്വത്തിലുള്ള കൂറിനെകുറിച്ച് രമ പലവട്ടം മാധ്യമങ്ങളോട് സംസാരിച്ചിരുന്നു. എന്നാല്, സി.പി.എമ്മിനെ വിരട്ടാനുള്ള ഒരു വടി മാത്രമായിരുന്നു ടി.പി.കൂറ് എന്ന് രമ ഇപ്പോഴാണ് മനസ്സിലാക്കിയത് എന്നാല് കോണ്ഗ്രസിനെ തള്ളി പറയാന് രമ ഇപ്പോഴും തയ്യാറായിട്ടില്ല.
അപ്പീല് പോയി രംഗം വഷളാക്കരുത് എന്ന ചിന്താഗതിക്കാരാണ് ഭരണനേതൃത്വത്തിലുള്ള പ്രമുഖരില് പലരും. എന്നാല് മുഖം രക്ഷിക്കാന് അപ്പീല് നല്കണമെന്നും തുടര്ന്ന് 'പ്രസ്' ചെയ്യേണ്ടതില്ലെന്നും ചിലര് വാദിക്കുന്നു.
https://www.facebook.com/Malayalivartha