തരൂരിന്റെ സ്റ്റണ്ട്; ഹൈക്കോടതി ബഞ്ച് സ്വാഹ!
തലസ്ഥാനത്ത് ഹൈക്കോടതി ബഞ്ച് എന്ന തിരുവനന്തപുരത്തുകാരുടെ ആവശ്യം അടുത്ത കാലത്തൊന്നും സഫലമാക്കാന് ഇടയില്ല. കേരള ഹൈക്കോടതിയിലെ 5 മുതിര്ന്ന ജഡ്ജിമാരെ ഉള്പ്പെടുത്തി കേരള ചീഫ് ജസ്റ്റിസ് ഇക്കാര്യം പരിശോധിക്കാനായി ഒരു സമിതിക്ക് രൂപം നല്കിയെങ്കിലും 2000 ലെ സുപ്രീംകോടതി വിധി മറികടക്കാന് ഹൈക്കോടതിയുടെ സമിതിക്ക് കഴിയില്ലെന്ന് നിയമവൃത്തങ്ങള് ചൂണ്ടികാണിക്കുന്നു.
കര്ണാടക ഫെഡറേഷന് ഓഫ് ബാര് അസോസിയേഷനാണ് ഹുബ്ളിയിലും ദാര്വാദിലും കര്ണാടക ഹൈക്കോടതിയുടെ ബഞ്ച് വേണമെന്ന ആവശ്യവുമായി സുപ്രീംകോടതിയെ സമീപിച്ചത്. തങ്ങളുടെ ആവശ്യം തള്ളിയ കര്ണാടക ഹൈക്കോടതി വിധി റദ്ദാക്കണമെന്നായിരുന്നു ആവശ്യം. മലയാളിയായ ജസ്റ്റിസ് കെ.ടി.തോമസും ജസ്റ്റിസ് എം.ബി. ഷായും അടങ്ങിയ സുപ്രീംകോടതി ബഞ്ചാണ് കര്ണാടകത്തിന്റെ ആവശ്യം തള്ളിയത്. കര്ണാടകത്തിലെ 18 ബാര് അസോസിയേഷനുകളാണ് സുപ്രീം കോടതിയെ സമീപിച്ചത്. കര്ണാടക ഹൈക്കോടതിയുടെ പ്രിന്സിപ്പല് ബഞ്ച് ബാംഗ്ലൂരിലായതിനാല് നിയമ സഹായം ആവശ്യമുള്ളവര് 600 കിലോ മീറ്റര് സഞ്ചരിക്കേണ്ടി വരുന്നതായി ബാര് അസോസിയേഷന് സുപ്രീം കോടതിയെ ബോധിപ്പിച്ചു.
എന്നാല് ഹര്ജിക്കാരന് ഹൈക്കോടതി എവിടെ വേണമെന്ന് നിശ്ചയിക്കാനുള്ള അവകാശമില്ലെന്ന് സുപ്രീം കോടതി പറഞ്ഞു. സംസ്ഥാനത്തെ ഹര്ജിക്കാരുടെ ഏജന്റായി ബാര് അസോസിയേഷനുകള്ക്ക് പ്രവര്ത്തിക്കാനാവില്ലെന്നും സുപ്രീംകോടതി ചൂണ്ടികാണിച്ചു. ഒരു ഹൈക്കോടതിക്ക് ബഞ്ചില് താല്പര്യമില്ലെങ്കില് ഒന്നും ചെയ്യാനാവില്ലെന്നും സുപ്രീംകോടതി ചൂണ്ടികാണിച്ചിരുന്നു.
കന്യാകുമാരിയില് നിന്നും ന്യൂഡല്ഹിയിലേക്കുള്ള ദൂരം കണക്കിലെടുത്ത് സുപ്രീംകോടതിയുടെ ബഞ്ച് സ്ഥാപിക്കാനാവില്ലെന്നും സുപ്രീംകോടതി ചൂണ്ടികാണിച്ചിരുന്നു.
ഏതായാലും കേന്ദ്രമന്ത്രി ശശിതരൂരിന്റെ ഇലക്ഷന് നമ്പരായി മാറുകയാണ് തലസ്ഥാനത്തെ ഹൈക്കോടതി ബഞ്ച്. സുപ്രീംകോടതി ഉത്തരവിനെ മറികടക്കാന് കേരളഹൈക്കോടതിയിലെ ജഡ്ജിമാര്ക്കാവില്ലെന്ന് ആരെക്കാളധികം ശശിതരൂരിനും രാഷ്ട്രീയ നേതൃത്വത്തിനുമറിയാം.
https://www.facebook.com/Malayalivartha
