സലിംരാജ്: തെളിവുകള് പുറത്തായത് യുഡിഎഫ് ക്യാമ്പില് നിന്നും
സലിംരാജിന്റെ ഭൂമിതട്ടിപ്പുമായി ബന്ധപ്പെട്ട ടി.വി ചാനലുകളിലൂടെ പുറത്തു വന്ന തെളിവുകള് ചാനലുകള്ക്ക് കൈമാറിയത് യു.ഡി.എഫ് ക്യാമ്പില് നിന്നാണെന്ന് സൂചന.
സുതാര്യ കേരളത്തില് സലിംരാജിന് എതിരെ പരാതിയുമായെത്തിയയാളുടെ ഓഡിയോയും വീഡിയോയും മുഖ്യമന്ത്രിയുടെ മറുപടിയും ജില്ലാകളക്ടറുടെ വിശദീകരണവുമാണ് ചൊവ്വാഴ്ച രാവിലെ മുതല് ചില വാര്ത്താചാനലുകളില് പ്രത്യക്ഷപ്പെട്ടു തുടങ്ങിയത്. സുതാര്യ കേരളത്തില് പതിനായിരക്കണക്കിന് പരാതികളാണ് വരുന്നത്. പരിപാടിയുടെ വീഡിയോ സൂക്ഷിക്കുന്നത് പബ്ളിക് റിലേഷന്സ് വകുപ്പാണ്. പി.ആര്.ഡി അറിയാതെ വിഷ്വലുകള് പുറത്തുപോവുകയില്ല. പി.ആര്.ഡിയില് നിന്നും വിഷ്വലുകള് ചില യു.ഡി.എഫ് നേതാക്കളുടെ കൈയിലെത്തിയെന്നാണ് അനുമാനം.
തിരുവനന്തപുരത്തെ കടകംപള്ളി വില്ലേജില് 44 ഏക്കര് സ്ഥലം സലിംരാജും സംഘവും ചേര്ന്ന് തട്ടിയെടുത്തെന്നാണ് പരാതി. ഇതിനെതിരെയാണ് പരാതിക്കാരന് സുതാര്യ കേരളത്തില് എത്തിയത്. പരാതി മുഖ്യമന്ത്രി പരിഗണിക്കുകയും ജില്ലാ കളക്ടര് വിശദീകരണം നല്കുകയും ചെയ്തു. എന്നാല് തട്ടിപ്പ് സംബന്ധിച്ച് അന്വേഷണം നടത്തുമെന്ന മുഖ്യമന്ത്രിയുടെ ഉറപ്പ് അട്ടിമറിക്കപ്പെട്ടു. സലിം രാജ് പരാതി മുക്കിയെന്നാണ് ആക്ഷേപം. ആഭ്യന്തര വകുപ്പാണ് പരാതി മുക്കാന് സലിംരാജിനെ സഹായിച്ചതെന്നും ആരോപണമുയര്ന്നു.
മുഖ്യമന്ത്രിയെ വീഴ്ത്താന് തീരുമാനിച്ചവര് ഇത്തരത്തില് നിരവധി തെളിവുകള് ശേഖരിച്ചിട്ടുണ്ട്. സര്ക്കാര് വകുപ്പുകളില് നിന്ന് ഇവര് ആവശ്യമായ രേഖകളും സംഘടിപ്പിച്ചിട്ടുണ്ട്.
കോണ്ഗ്രസിലെ ഗ്രൂപ്പ് കലാപങ്ങളുടെ ഭാഗമായാണ് മുഖ്യമന്ത്രിക്കെതിരെയുളള തെളിവുകള് മറുഭാഗത്തിന്റെ കൈയ്യിലെത്തിയത്. ഇനിയുള്ള ദിവസങ്ങളില് കൂടുതല് തെളിവുകള് പുറത്തുവരുമെന്നാണ് യു.ഡി.എഫ് ക്യാമ്പിലുള്ളവര് പറയുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha